ताप्लेजुङमा साँस्कृतिक पुर्नजागरण अभियान समिति गठनसंगै पहिलाे चरणकाे अभियान सम्पन्न

 लिम्बुवान न्युज
                       

ताप्लेजुङ। सहअस्तित्वलाई स्वीकार गर्दै, प्राकृतिक, मौलिक नामको संरक्षण, खोज तथा अनुसन्धान गर्ने उद्धेश्यले सञ्चालित साँस्कृतिक पुर्नजागरण अभियानले बुधबार ताप्लेजुङमा समिति गठन गरेसंगै पहिलाे चरणकाे अभियान सम्पन्न भएकाे छ । ज्ञानु फुरुम्बो चरपेको संयोजकत्वमा बिभिन्न बिभागसहित २५ सदस्यीय साँस्कृतिक पुर्नजागरण अभियान समिति गठन गरिएको हो ।

सह-संयोजक हाङमाया लेछर्बो, सचिब सरोज कंलिबा र कोषाध्यक्ष प्रदीप मादेन, थाङबेन मेन्छिङ नबिन फुरुम्बो, भूपू सैनिक बिभाग पूर्ण पालुङवा, महिला बिभाग सीताकुमारी केदेम अन्छङबो र सूचना तथा सञ्चार बिभाग आलोक माबोहाङ लिम्बू चुनिए । त्यस्तै, बिद्यार्थी, बिज्ञान तथा प्रविधि, तुम्याहाङ, बिज्ञ र अनुसन्धान बिभागका संयोजक चुन्न बाँकी रहेकाे छ ।

तुम्याहाङ प्रथाको संरक्षणसहित बिभिन्न लिम्बुवान क्षेत्रमा रहेका मौलिक नाम, प्राकृतिक सम्पदाको संरक्षण तथा सम्बद्र्धन गर्नको लागि यो अभियान संचालन गरिएको अभियान प्रस्तोता दिलेन्द्र कुरुम्बाङले बताए । कुरुम्बाङले साँस्कृतिक पुर्नजागरण अभियानको प्रस्तावना, उद्धेश्य, क्षेत्र, सांगठनिक प्रारुप, दृष्टि र लक्क्षय सहित बिबिध विषयमा स्पष्ट पारे ।

कार्यक्रमका प्रमुख अतिथि तथा १ नम्बर प्रशेस संसाद प्रताप प्रकास हाङ्गामले साँस्कृतिक पुर्नजागरण अभियानले ल्याएका, गरेका र उद्धेश्य प्राप्तिको लागि सबै क्षेत्रबाट आफ्नो नैतिक, भौतिक र नीतिगत ऐक्यबद्धता रहेको बताए । त्यस्तै, कार्यक्रमका अतिथि १ नम्बर प्रदेश संसद विष्णु तुम्बाहाङफेले पनि अभियानप्रति ऐक्यबद्धतासहित हरतवरबाट सहयोग गर्ने प्रतिबद्धता जनाए । आफूले खेल्न सक्ने भूमिका र अभियानभन्दा टाढा रहन नसक्ने पनि बताए ।

अभियानको केन्द्रीय संयोजक तथा कार्यक्रम अध्यक्ष मधु केरुङले लिम्बुवान भूमिको सम्पूणै अपभ्रंश गरिएका र नाम परिवर्तन गरिएको भूगोल, क्षेत्र, धार्मिकस्थल र गाउँ, पहाड, हिमाल, खोलानाला आदिलाई मौलिक र वास्तबिक नाम पुर्नस्थापनाको लागि जस्तोसुक्कै मुल्य चुकाउन पछि नहट्ने बताए । उनले भने -अभियानलाई कसैले चानचुने नआक्न पनि चेतावनी दिए ।

कार्यक्रममा, जिल्लाका थरगत संस्थाका प्रतिनीधि, तुम्याहाङ, कलाकार, साहित्कार, सञ्चारकर्मी र सरोकारवालाको उपस्थिति थियो । किरात याक्थुङ चुम्लुङ लिम्बुवान प्रदेश समितिको आयोजनामा स्थानीय चुम्लुङ र लिम्बूजन्य संस्थाहरुको सह-आयोजनामा सांस्कृतिक पुन जागरण अभियान आम भेला पहिलो चरणको कार्यक्रम लिम्बुवानको पान्थर फेदेन, झापाकाे दमक, तेह्रथुमकाे बसन्तपुर र ताप्लेजुङ फुङ्लिङ बजारमा सम्पन्न भएको हाे ।

सम्बन्धित समाचार

आत्मानन्द कपको उपाधि छथर तेह्रथुमले उचाल्याे

दमक, झापा । इलामको माङसेबुङमा सम्पन्न भएको आत्मानन्द कप १५औं संस्करण पुरुष फुटबल प्रतियोगिताको उपाधि छथर गाउँपालिका, तेह्रथुमले उचालेको छ । माङसेबुङ ५ स्थित प्रस्तावित आत्मानन्द रंगशालामा भएको फाईनल खेलमा तिजोग फुटबल क्लव पान्थरलाइ २–०...

सात दलले पायो राष्ट्रिय मान्यताः निर्वाचन आयोग

काठमाडौं, १६ मंसिर । निर्वाचन आयोगका अनुसार हालसम्म सात वटा राजनीतिक दलहरुले राष्ट्रिय पार्टीको मान्यता पाएको छ । निर्वाचन आयोगका समानुपातिकतर्फका प्रवक्ता गुरुप्रसाद वाग्लेले शुक्रबार अपराह्नसम्मको समानुपातिकतर्फको मतपरिणाम अनुसार नेकपा एमाले, नेपाली कांग्रेस, नेकपा माओवादी...

दोलखाका १० मतदान केन्द्रमा मतदान सुरु

काठमाडाैं । विवादका कारण रोकिएको दोलखा जिल्लाका १० वटा मतदान केन्द्रमा आज पुनः मतदान भइरहेको छ । मुख्य निर्वाचन अधिकृतको कार्यालय दोलखाका सूचना अधिकारी शिवकुमार पोखरेलका अनुसार बिहान ७ बजेदेखि मतदान शुरू भएकाे जनाएका छन्...

लिम्बू कथानक चलचित्र ‘लोजिमा’को छायांकन सम्पन्न

दमक, लिम्बुवानखबर, १४ मंसिर । निर्देशक सागर सुब्बाको कथा निर्देशन रहेको लिम्बू कथानक चलचित्र ‘लोजिमा’को छायांकन सम्पन्न भएको छ । गत कात्तिक ३ गतेबाट सुरु भएको चलचित्र ‘लोजिमा’को छायांकन भारत सिक्किमको सोमबारे, दाराम्देन, थर्पु, छायाँताल, राभालाङ,...