काठमाडौ। इलाम चुलाचुलीका थाङ्साङ लावती ‘महामुर्ख’ले चौथो कृतिको रुपमा ‘मुन्धुम परम बिज्ञान’ नामक कृति सार्वजनिक गरेका छन् । आज किरात याक्थुङ् चुम्लुङ्को भवनमा पुस्तकको सार्वजनिक गरिएको हो ।

याक्थुङ लेखक संघ उपत्यका समितिको आयोजनामा सम्पन्न कार्यक्रममा राजनैतिक विष्लेशक तथा लेखक युग पाठक, प्राध्यापकहरु बालकृष्ण माबुहाङ, अमर तुम्याङ, टंक सेलिङ, किरात याक्थुङ चुम्लुङ्का अध्यक्ष योगराज वनेम र डिबि आङ्बुङले किताबमाथी टिप्पणी गरेका थिए ।

कार्यक्रममा डा.चन्द्रकुमार शेर्मा, लिम्बू साँस्कृतिक परिषदका केन्द्रीय अध्यक्ष गोबिन्द आङ्बुङ, नेता खगेन्द्र माखिम, कवि बिमला तुम्खेवा, लेखक तथा चलचित्रकर्मी सागर केरुङ र पदम चेन्जी माबोले लेखकको गहकिलो पुस्तकमाथि शुभकामना मन्तव्य राखेका थिए ।

डेढ दशक अघि मुन्धुम प्रति बढी अध्ययन गर्नु हुने महामुर्ख पछिल्लो केही समय पहिचानको राजनीतिसँग जोडिएर राजनीतिमा सक्रिय रहेता पनि उनको लेखन भने रोकिएको छैन । उनका तीन कृतिहरु ‘फल्गुनन्द रोइरहेका छन्’, ‘फल्गुनन्दको बाटोमा’ र ‘मुन्धुमको धनीहरु कस्तुरी भएको छ’ प्रकाशित भईसकेका छन् ।

मुन्धुमविद् लावती हाल संघीय लोकतान्त्रिक राष्ट्रिय मञ्च तथा संघीय लिम्बुवान मञ्चका महासचिव हुन् ।