काठमाडौं । निर्वाचन आयोगले आयोगले मध्यावधि निर्वाचनका लागि गरिरहेको कामको बारे जानकारी दिन दलहरुसँग परामर्श गरेको छ । निर्वाचन आयोगले आइतबार ११ वटा राजनैतिक दलका प्रतिनिधिहरुसँग प्रतिनिधिसभा विघटन भएपश्चात वैशाख १७ र २७ गते हुने मध्यावधी निर्वाचन बारे छलफल गरेको हो ।

बैठकमा आयोगले आगामी माघ १५ गते मतदाता नामावली प्रकाशित गर्ने प्रस्ताव गरेको छ । तर, प्रतिनिधिसभा विघटन गरेर मध्यावधि निर्वाचन घोषणा गरिएतापनि प्रतिनिधिसभा विघटन असंवैधानिक भएको भन्दै सर्वोच्चअदालतमा परेको मुद्दा संवैधानिक इजलासमा विचाराधीन छ ।

छलफलमा नेकपा प्रचण्ड–माधव समूहका नेता नेताले संसद विघटनको मुद्दा सर्वोच्चमा विचाराधीन भएकाले निर्वाचन कार्यक्रम अगाडि बढाउन नहुने तर्क गरेका छन् । यो समूहले न्याय परिषद्ले सरुवा गर्नुपर्ने आयोगका कर्मचारी सरकारले सरुवा गरेको विषय पनि उठाएको छ । हामीठोकुवाका साथ भन्छौं निर्वाचन हुँदैन, निश्पक्ष ढंगले निर्वाचन गराउन पनि आयोगले नसक्ने उने बताए ।

यता निर्वाचन आयोगले सबै कार्यविधिहरु तयारी भईरहेको चुनावमा १८ बर्ष पुरा भएका मतदातालाई मतदान गर्न सुनिश्चित गराउने, विदेशमा भएका नागरिकलाई समेत मतदानमा सहभागी गराउने र कोरोना प्रोटोलको विषयमा पनि बैठकमा छलफल भएको आयोगका प्रवक्ता राजकुमार श्रेष्ठले बताए ।