ताप्लेजुङ्। मुसाहाङ बंश उत्थान प्रतिष्ठान ताप्लेजुङको शाखा समितिको तेस्रो जिल्ला अधिबेशन सम्पन्न भएको छ । प्रतिष्ठानका केन्द्रीय अध्यक्ष विष्णुराज मुसाहाङ् लिम्बुको प्रमुख आतिथ्यता कार्यक्रम भएको हो ।

ताप्लेजुङको मैवाखोला–२ माङजारामा सम्पन्न अधिबेशनले कुल बहादुर मुसाहाङको अध्यक्षतामा ७ सदस्यीय समिति चयन गरेको छ । समितिको उपाध्यक्षमा सरु मुसाहाङ, सचिवमा चरण मुसाहाङ, सह–सचिवमा बाल सिं मुसाहाङ र कोषाध्यक्षमा राज मुसाहाङ निर्वाचित भएका छन् । त्यसैगरी सदस्यहरुमा आइत ब. मुसाहाङ र संगीता मुसाहाङ चयन भएका छन् ।

उक्त अधिबेशनमा प्रतिष्ठानका केन्द्रीय महासचिव डिल्लीश्वर मुसाहाङ अम्याङसा, केन्द्रीय सदस्य भिम बहादुर मुसाहाङ, केन्द्रीय सल्लाहकार चन्द्रपाल मुसाहाङ, काठमाडौं उपत्यकाका उपाध्यक्ष आइत बहादुर मुसाहाङ त्यसैगरी चरण मुसाहाङ, सन्च बहादुर मुसाहाङ लगायतले शुभकामना मन्तव्य राखेका थिए ।

शाखा अधिवेशन कार्यक्रम प्रतिष्ठानका ताप्लेजङ् अध्यक्ष कुल बहादुर मुसाहाङको अध्यक्षतामा भएको थियो भने जिल्ला उपाध्यक्ष चन्द्रकला मुसाहाङले स्वागत मन्तव्य र सचिब बाल सिं मुसाहाङले संचालनमा सम्पन्न भएको प्रतिष्ठानका महासचिव तथा संचारकर्मी अम्याङ्सा जानकारी दिएका छन् ।