बिर्तामोड, १५ माघ । विभिन्न व्यक्तिको नाममा पुगेको जग्गा फिर्ता भएपछि डोमालाल राजवंशी रंगशाला बन्ने पक्का भएको छ ।
रंगशालाले फिर्ता भएको गुठीको जग्गा भोगाधिकारमा ल्याउने पहलसमेत थालेको छ । रंगशाला रहेको जग्गा विभिन्न व्यक्तिको नाममा भएपछि रंगशालाको भविष्य अनिश्चितजस्तै रहेको थियो ।
देवी गुठीको जग्गा आफ्नो नाममा पार्ने व्यक्तिहरुबाट जग्गा फिर्ता गराउन महान्यायाधिवक्ता अग्निप्रसाद खरेलले पहल गरेका थिए । जग्गा फिर्ताको लागि पहल गर्ने खरेललाई खेलप्रेमी र खेलाडीहरुले धन्यवाद दिएका छन् ।
झापा ११ फुटबल क्लब, झापा गोल्डकप र झापा फुटबल क्लबले महान्यायाधिवक्ता खरेललाई धन्यवाद दिँदै गुठी संस्थानबाट रंगशाला बनाउनका लागि भोगाधिकार दिलाउने विषयमा समेत पहल गरिदिन आग्रह गरेका छन् । २०५२ सालभन्दा अघि तत्कालिन अनारमनी गाउँ विकास समितिले संचालन गरेको अनारमनी दुर्गा गुठी संस्थानको जमिन राज गुठीमा लगी विभिन्न व्यक्तिले आफ्नो नाममा हत्याएका थिए ।
मोही टिकादेवी विमलीको नाममा कायम भएको २ विगाह ८ कठ्ठा १८ धुर जग्गा उनका छोरा केशव विमलीले अनारमनी दुर्गा स्थान राजगुठी संस्थानकै नाममा दाखिला हुनेगरी फिर्ता दिएका हुन् । त्यस्तै केशवका काका सूर्यकुमार विमलीले आफ्नो नाममा पारेको ७ कठ्ठा जग्गा फिर्ता गर्न लागेको जनाइएको छ ।
रमेश महर्जनको नाममा रहेको ८ कठ्ठा जग्गा पनि फिर्ताको पहल भइरहेको बिहीबार आयोजित पत्रकार सम्मेलनमा जानकारी दिइयो । जग्गा फिर्ता भएपछि बिर्तामोड नगरपालिकाले पनि सो जग्गामा रंगशाला बनाउन पहल गर्ने आश्वासन दिइसकेको छ ।
कार्यक्रममा झापा ११ फुटबल संघका अध्यक्ष जलकुमार गुरुङ, महासचिव गणेश पोखरेल , झापा गोल्डकपका अध्यष विनोद बस्नेत , झापा फुटबल संघका अध्यक्ष गजेन्द्रबहादुर पौडेललगायतले बोलेका थिए ।
कार्यक्रममा खेलाडीहरुको पनि उपस्थिति रहेको थियो । डोमालाल राजवंशीले बिर्ताबजारमा रहेको दुर्गा मन्दिरको नाममा १२ विगाहभन्दा बढी जग्गा दान दिएका थिए । सो जग्गालाई देवी गुठी हुँदै राजगुठीमा लगेर बेचिखाने काम भएको थियो ।
ललितपुर, २७ पुष । किरात याक्थुङ चुम्लुङ लिम्बुवान प्रदेश समितिको तेस्रो अधिवेशन हुने भएकाे छ । कियाचु प्रदेश समितिका अनुसार माघ ३ गते सुनसरीकाे धरान उपमहानगरपालिकास्थित चुम्लुङ हिममा अधिवेशन गर्ने जनाइएकाे छ । आयोजक समितिले...
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७