पवित्रहाङमा कप महिला फूटबल आगामी माघ २३ देखि फाल्गुन ३ गतेसम्म हुने

 लिम्बुवान न्युज
                       


दमक, २४ पुष । १३ औँ संस्करणको पवित्रहाङ्मा कप महिला फुटबल प्रतियोगिता आगामी माघ २३ देखि फागुन ३ सम्म आयोजना गरिने भएको छ । किरात धर्म गुरुआमा पवित्रहाङ्मा लिङ्देनको ६७ औँ जन्मोत्सव अवसरमा किरात धार्मिक स्थल लारुम्बामा प्रतियोगिता आयोजना गर्न लागिएको हो।

आयोजक आत्म–पवित्र हक्तात यक्चुमले शनिबार सदरमुकाममा पत्रकार सम्मेलन आयोजना गरी प्रतियोगितामा १० टिमले सहभागिता जनाउने जानकारी दिएको छ । प्रतियोगितामा इलामसहित झापा, उदयपुर, सुनसरी, ताप्लेजुङ, धनकुटा, मोरङ र भारत दार्जिलिङका टिमसमेत सहभागी हुने आयोजक संस्था अध्यक्ष मनप्रसाद आङ्बुहाङले बताए ।

विजेताले ट्रफी सहित नगद २ लाख १ सय ६७ र उपविजेताले १ लाख १ सय ६७ रुपैयाँ पाउनेछन् ।

प्रतियोगितामा इलामका जनता सेभेन र माङ्सेबुङ गाउँपालिका, झापाका रोयल स्पोर्टिङ, कन्काई नगर खेलकुद, उदयपुरको गाईघाट, सुनसरीको माउन्ट एभरेस्ट, ताप्लेजुङको कर्णसिंह सोनाम, धनकुटा जिल्ला फुटबल संघ, मोरङको नवदीप र भारत दार्जिलिङको एमएफसी सहभागी हुने आयोजकले जनाएको छ ।

त्यस अवसरमा फुटबलबाहेक म्याराथुन, पक्लुङ, लठ्ठा तान्ने, म्युजिकल चेयर, हाँडी फुटाउनेजस्ता दर्जन खेल आयोजना हुने बताइएको छ । म्याराथुन विजेताले नगद ५ हजार १ सय ६७ रुपैयाँ पुरस्कार पाउनेछ । इलामस्थित जिल्ला फुटबल संघले प्रतियोगिताका लागि प्राविधिक सहयोग गरेको छ ।

यो फूटबल प्रतियोगिता जिल्ला सदरमुकामबाट भौगोलिक हिसाबले टाढा रहेको माङसेबुङ लारुम्बामा लामो समययता निरन्तर आयोजना भइरहेको प्रतियोगिता हो । यस पटकको प्रतियोगिता सम्पन्न गर्न करिब १५ लाख रुपैयाँ खर्च हुने अनुमान आयोजकको छ।

सम्बन्धित समाचार

भूमिहीन परिवारलाई जग्गा धनीपुर्जा प्रमाणपत्र वितरण

दमक, १९ माघ / दमक नगरपालिकाले राष्ट्रिय भूमि आयोग झापाको समन्वयमा दमक १० का २७ भूमिहीन परिवारलाई जग्गा धनी प्रमाणपत्र वितरण गरेको छ । वडा कार्यालयमा आज संक्षिप्त कार्यक्रमका गरि नगरपालिकाले सामूहिक रुपमा जग्गाधनी पुर्जा...

प्रथम अध्यक्ष पाठकलाई अभिनन्दन गर्ने

दमक, १९ माघ । प्रेस चौतारी नेपाल झापाले प्रथम अध्यक्षलाई अभिनन्दन र जिल्लाका ५ जना अग्रज पत्रकारलाई सम्मान गर्ने भएको छ । प्रेस चौतारी नेपालको २५ औं स्थापना दिवसको अवसर पारेर चौतारीले झापा शाखाका प्रथम...

कक्षा ११ र १२ को लिम्बू भाषा र साहित्य पाठ्यक्रम परिमार्जन र संशोधन सहित विमोचन

पान्थर, १६ माघ । कक्षा ११ र १२ लिम्बू भाषा र साहित्य पाठ्यक्रम २०५९ दोस्रो परिमार्जन र संशोधन सहित अनुमोदन पाठ्यक्रम २०७९ को विमोचन गरिएको छ । शनिवार पान्थर फाल्गुनन्द गाउँपालिका याम्बोङस्थित सत्यहाङमा माध्यमिक विद्यालयको...

पवित्रहाङमा कप फूटबलको फाइनल फाल्गुन ३ गतेः खेलतालिका सार्वजनिक

दमक, १६ माघ । माघ २३ गतेदेखि शुरु हुन गईरहेको पवित्रहाङमा कप खुल्ला नकआउट फुटबल प्रतियोगिताको खेलतालिका सार्वजनिक गरिएको छ । किराँत धर्मगुरु आमा साँबा पवित्रहाङमाको ६७औं जन्मोत्सवको अवसर पारेर प्रत्येक वर्ष आयोजना हुने फुटबल...