उपेन्द्र सुब्बाको जारी वैशाख १ बाट हलमा

 लिम्बुवान न्युज
                       

काठमाडौं, १० माघ । कवि, साहित्यकार, लेखक उपेन्द्र सुब्बाको लेखन तथा निर्देशन रहेको फिल्म जारी वैशाख १ गतेबाट हलमा लाग्ने निश्चत भएकोछ । सोमबार एक पोस्टर सार्वजनिक गर्दै फिल्मको प्रदर्शन मिति घोषणा गरिएको हो ।

लेखक सुब्बाको फिल्म जारीमा अभिनेता दयाहाङ राई र मिरुना मगरको मुख्य अभिनय रहेको छ । सार्वजनिक पोस्टरमा दयाहाङ र मिरुनालाई प्रस्तुत गरिएको छ । पोस्टरमा उनीहरू दुवै गम्भीर मुद्रामा देखिएका छन् ।

फिल्म लिम्बु समुदायको प्रेमकथामा आधारित छ जसमा आफ्नी श्रीमतीलाई फिर्ता ल्याउन पुरुषले गर्नु परेको संघर्षलाई देखाइनेछ । लिम्बु समाजमा कसैको श्रीमतीलाई कसैले लगेमा उसले सो बापत विवाह गर्दा दिएको सुनचादी गरगहना लगायत विवाह खर्च वापत जारी तिर्नुपर्ने परम्परा रहेको छ । सोही कथालाई प्रेमकथामा रुपान्तरण गरिएको यो फिल्मले वक्स अफिसमा पुनः एकपटक तहल्का पिट्ने जनाइएको छ ।

उपेन्द्र सुब्बाको लेखन तथा निर्देशन रहेको फिल्मलाई रामबाबु गुरुङले निर्माण गरेका हुन् । बासुरी फिल्म्स ब्यानरको फिल्ममा दयाहाङ र मिरुनासँगै विजय बराल, रोयदीप श्रेष्ठ, रेखा लिम्बु, कमलमणी नेपाल, पुष्कर गुरुङलगायत कलाकारको पनि अभिनय रहेको छ ।

यसअघि अभिनेता दयाहाङ र मिरुनालाई ‘कबड्डी ४’ मा एकसाथ देखिएको थियो उक्त फिल्मले नेपालमा सर्वाधिक कमाउने रेकर्ड समेत राखेको छ ।

सम्बन्धित समाचार

प्रधानमन्त्री केपी ओली सहित नवनियुक्त मन्त्रीहरुले गरे पदभार ग्रहण

दमक, ३१ असार । नवनियुक्त मन्त्रीहरूले पदभार ग्रहण गरेका छन् । शितल निवासमा राष्ट्रपति समक्ष पद तथा गोपनीयताको शपथ लिएसँगै उनीहरूले आ–आफूले पाएका मन्त्रालयको जिम्मेवारी सम्हालेका हुन् । प्रधानमन्त्री केपी शर्मा ओलीले २२ सदस्यीय मन्त्रिपरिषद्...

प्रधानमन्त्री पुष्पकमल दाहाल प्रचण्ड पदमुक्त

ललितपुर, २८ असार । प्रधानमन्त्री पुष्पकमल दाहाल प्रचण्ड पदमुक्त भएका छन् । आज (शुक्रबार) प्रतिनिधिसभाले विश्वासको मत लिने प्रस्ताव बहुमतले अस्वीकृत गरेसँगै प्रधानमन्त्री प्रचण्ड पदमुक्त भएका हुन् । नेकपा एमालेले प्रचण्डलाई दिएको समर्थन फिर्ता लिएपछि...

ब्रविमले ल्याए सिसेक्पा तङनाम (भिडियाे सहित)

दमक, २८ असार । मुन्धुमी गायक ब्रविम सेर्माले आफ्नाे आवाजमा मुन्धुम साम्लो ‘सिसेक्पा तङनाम’ सार्वजनिक गरेका छन् । गितकार नेम खापुङको शव्द तथा लय संकलनमा मुन्धुम साम्लो ‘सिसेक्पा तङनाम’ को भिडियो आफ्नै युट्युव च्यानलबाट सार्वजनिक...

यूकेमा राष्ट्रिय पहिचान परिषद गठन

ललितपुर, २७ असार । बेलाय यूकेमा बसोबास गर्दै लामो समय लिम्बुवान र पहिचानको लागि सहकार्य गर्दै आएका यूकेबासीहरुले राष्ट्रिय पहिचान परिषद प्रवास समिति यूके गठन गरेका छन् । संघीय लोकतान्त्रिक राष्ट्रिय मञ्च र मञ्चको प्रवास...