दमक, १० माघ । पान्थरमा संयुक्त पहिचानवादी महिला मोर्चाको जिल्ला समिति गठन भएको छ । पान्थरको फेदेनमा भएको एक कार्यक्रमले नेत्री भावना इङवाको संयोजकत्वमा ४८ सदस्यीय महिला मोर्चा गठन गरेको हो ।

यसैगरी उक्त समितिको सहसंयोजकहरुमा नरमाया धमला, टीका केरुङ र सदस्य सचिवमा नविना राई सहित चयन भएका छन् ।

कार्यक्रममा मोर्चाका जिल्ला संयोजक दिलेन्द्र कुरुम्बाङ, नेताहरु रामभक्त कुरुम्बाङ, प्रेमराज लावती, एलबी पालुङवा, दिपा लक्सम, विराज आङदेम्बे, चन्द्रराज आङदेम्बे, राकेश माङ्मु, श्री सेलिङ, अर्जुन स्याङबो लगायत नेताहरुले कार्यक्रममा आ–आफ्ना विचारहरु राखेका थिए ।

कार्यक्रमले पहिचान पक्षधरहरु एक हुनु थप मद्दत पुगेको जनाउँदै यसरी नै अन्य पहिचान पक्षधरहरुलाई पनि संयुक्त पहिचानवादी मोर्चामा आउन वक्ताहरुले अपिल गरेका छन् । कार्यक्रम संयाेजकमा चयन हुनभएकी भावना इङ्वाकै अध्यक्षतामा भएको हाे ।

संयुक्त पहिचानवादी माेर्चामा नेपाल जनमुक्ति पार्टी, नागरिक उन्मुक्ति पार्टी प्रदेश नं. १, पहिचानवादी माेर्चा र प्रदेश नं. १ पुनः नामाकरण अभियान समिति चार वटा संगठनहरू समाहित छन् ।