दमक, १९ माघ / दमक नगरपालिकाले राष्ट्रिय भूमि आयोग झापाको समन्वयमा दमक १० का २७ भूमिहीन परिवारलाई जग्गा धनी प्रमाणपत्र वितरण गरेको छ । वडा कार्यालयमा आज संक्षिप्त कार्यक्रमका गरि नगरपालिकाले सामूहिक रुपमा जग्गाधनी पुर्जा वितरण गरेको हो ।
आयोगका केन्द्रीय अध्यक्ष केशव निरौलाको प्रमुख आतिथ्यतामा भूमिहीनहरुलाई जग्गा धनी पुर्जा वितरण गरिएको वडाअध्यक्ष राजेन्द्र भण्डारीले बताए ।
जग्गा धनी पुर्जा आयोगका केन्द्रीय अध्यक्ष निरौला,दमक नगरपालिकाका प्रमुख रामकुमार थापा, उपप्रमुख रेगिना भट्टराई प्रसाई,आयोगका जिल्ला अध्यक्ष तिलक पाण्डे लगायतले वितरण गरेका थिए ।
वडाअध्यक्ष भण्डारीका अनुसार वितरण गरिएका जग्गा धनी पुर्जा पाउनेहरुमा २ दलित सुकुम्बासी, भूमिहीन १० र अव्यवस्थित बसोबासीका रुपमा १५ परिवार रहेका छन् । आयोगले यसपटक वडाका ३५ परिवारलाई जग्गा धनी पुर्जा वितरणको तयारी गरेको थियो ।
सो अवसरमा जग्गा धनी पुर्जा वितरण कार्यक्रममा बोल्दै वक्ताहरुले सवै नागरिकलाई जग्गाको मालिक बनाउनु पर्ने औल्याएका थिए ।
दमकका १० वटा वडा मध्ये दमक ३ बाहेक अन्य वडामा भने जग्गा धनी पुर्जा वितरणका लागि जग्गाको निस्सा प्रमाणपत्र वितरण गरिसकेको छ । दमकमा जग्गाधनी प्रमाणपत्रका लागि करिव ८ हजार भूमिहीन,दलित भूमिहीन ,सुकुम्बासी तथा अव्यवस्थित बसोबासीहरुले निवेदन दिएको नगरपालिकाले जनाएको छ ।
१४६ परिवारलाई धनी पुर्जा
यसैवीच राष्ट्रिय भूमि आयोग झापाले जिल्लाका १४६ भूमिहीन परिवारलाई जग्गा धनी पुर्जा वितरण गरेको छ ।
आयोगले हालसम्म गौरादहका ५०, कन्काईका २७, बुद्धशान्तिका ४२ र दमकमा २७ परिवारलाई नियमानुसार जग्गा धनी पुर्जा वितरण गरिसकिएको अध्यक्ष पाण्डेले बताए ।
आयोग गठनपछि विभिन्न आयोगले दिएको जग्गाका नक्सा, पुर्जा लगायतका भूमि सम्बन्धी ६ सय बढी परिवारलाई सेवा समेत पाएको उनको भनाई छ ।
आयोगले जिल्लाका १५ वटै स्थानीय तहसंग भूमि समस्या हल गर्नका लागि काम गरिरहेको जनाएको छ ।
दमक, २ साउन । झापाको बिर्तामोड नगरपालिका-५ स्थित एक औषधी पसलबाट ठुलो परिमाणमा भण्डारण गरी राखेको प्रतिवन्धित औषधी सहित अर्जुनधारा नगरपालिका ६ का २५ बर्षीय बिनोद घिमिरेलाई प्रहरीले नियन्त्रणमा लिएकाे छ । बिर्तामोड-५ स्थित मनकुमार...
दमक, २ साउन । झापाको दमकमा प्रथम ध्रुवतारा फुटसल प्रतियोगिता-२०८२ हुने भएको छ । आजबाट हुने साे प्रतियाेगिता भाेली ३ गते सम्म संचालन हुनेछ । दुई दिनसम्म हुने साे प्रतियोगिता दमक ५ गोर्खाली टोलमा रहेको विष्ट फुटसलको कोर्टमा सञ्चालन हुने आयाेजकले जनाएकाे छ । ध्रुवतारा स्पोर्टिङ क्लब दमकको आयोजनामा हुने साे प्रतियोगितामा सहभागी टिमले इन्ट्रि फि ६ हजार रुपैयाँ रहेको खेल संयोजक सन्दिप तामाङले बताए । उनका अनुसार यस प्रतियोगितामा प्रतिस्पर्धी टिमले ए डिभिजन खेलाडीहरु एक जना मात्र सहभागी गराउन सक्ने नियम रहेको छ । प्रतियोगिताको विजेताले नगद ७० हजार रुपैयाँ सहित ट्रफि र मेडल हात पार्ने छ भने उपविजेता टिमले नगद ३५ हजार रुपैयाँ सहित ट्रफि र मेडलमा चित्त बुझाउनु पर्ने छ ।
दमक, ३२ असार । प्रदेश नं. १ को नाम कोशी नामाकरणसँगै प्रदेशका पहिचान पक्षधरहरु एकजुट भएर नाम खारेजी आन्दोलनमा लडेकाहरु यतिवेला नामको विषयमा पुनः आरोप प्रत्यारोपमा उत्रिएका छन् । सामाजिक संजालमा पहिचानवादी एकता अभियानको एक...
ललितपुर, ३२ असार । जनता समाजवादी पार्टी, नेपाल (जसपा)ले सरकारलाइ दिएकाे समर्थन फिर्ता लिएकाे जनाएकाे छ । सत्ता साझेदार दल जसपा, नेपालले भूमि विधेयकको अन्तर्वस्तुप्रति असहमति जनाउँदै बुधबार बसेको संसदीय दल बैठकले सरकारलाइ दिएकाे समर्थन फिर्ता ...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७