माघ २८, माङसेबुङ । इलामको माङसेबुङमा जारी पवित्रहाङ कप फूटबलको शुक्रबार भएको खेलमा माउण्ड एभरेष्ट स्पोर्टीङ क्लब सुनसरीलाई २–० गोल अन्तरले पाराजित गर्दै ताप्लेजुङ सेमिफाइनलमा प्रवेश गरेको छ ।

ताप्लेजुङको जितमा सुजता पालुङवा र सितल क्षेत्रीले एक एक गोल गरिन । खेलको पहिलो हाफको नवौं मिनेटमा ताप्लेजुङका सुजता पालुङवाले गोल गर्दै टिमलाई अग्रता दिलाइन् ।

त्यसपछि खेलको २३औ मिनेटमा ताप्लेजुङका सितल क्षेत्रीले गोल गर्दै टिमलाई जित दिलाइन् । ताप्लेजुङकी सितल क्षेत्री खेलको वुमन अफ द म्याच घोषित भइन् ।

इलामको माङसेबुङमा जारि पवित्रहाङमा कप फुटबल प्रतियोगिता अन्तरगत आज शनिबार जनता सेभेन स्पोर्टीङ क्लब सुर्योदय इलाम र धनकुटा जिल्ला फुटबल संघ धनकुटाबिच प्रतिस्पर्धा हुदैंछ ।

माङसेबुङ ५, स्थित प्रस्तावित आत्मानन्द रंगशालामा दिउसो २ बजे सुरु हुने अन्तिम क्वाटरफाइनल खेल सुर्योदय इलाम र धनकुटाबिच हुने आयोजक आत्मा पबित्र हक्चात यक्चुमका सचिव सरिता राईले बताईन ।

किरात धर्मगुरु साँबा पवित्रहाङमा लिङदेन ६७औं जन्मोत्सव तथा धर्मगुरु लिङदेन आत्मानन्द सेईङज्यूो नुमाङगेन्ना सेवा समारोहको अवसरमा आयोजित पवित्रहाङमा कप २०७९ को विजेताले नगद दुई लाख एक सय ६७ र उपविजेताले एक लाख एक सय ६७ रुपैयाँ प्राप्त गर्नेछन् ।

प्रतियोगिताको फाईनल खेल फागुन ३ गते हुने आयोजकले जनाएको छ ।