तेह्रथुम । किरात याक्थुङ चुम्लुङ जिल्ला शाखा तेह्रथुमको पाँचौ जिल्ला चुम्लुङ तथा लिम्बू सांस्कृतिक परिषद तेह्रथुमको चौथो अधिबेशन आज सम्पन्न भएको छ । तेह्रथुमको मेयङलुङ बजारमा भएको पाँचौ जिल्ला चुम्लुङ तथा चौथो लिम्बू सास्कृतिक परिषदको उद्घाटन सत्र कार्यक्रममा किरात याक्थुङ चुम्लुङ तेह्रथुमको प्रतिदिन जिल्ला अध्यक्ष सेसेहाङ हुक्पा चोङबाङले राखेका थिए । यसरीनै लिम्बु साँस्कृति परिषदको प्रतिवेदन नरपति चोङबाङले प्रस्तुत गरेका थिए ।

किरात याक्थुङ चुम्लुङको आयोजनामा भएको लिम्बू सास्कृतीक परिषदको अधिबेशनबाट रितुराज थेगुबाको अध्यक्षतामा ११ सदस्य समिती गठन गरिएको छ ।

समितिको उपाध्यक्षमा बेनुराज फुदोङ, सचिब बुद्वबिर सिङजागु, सह–सचिब घनश्यम लिम्बू र कोषाध्यक्षमा पार्बता तेयङ रहनुभएको छ । यसरी नै सदस्यहरूमा गजेन्द्र फोम्बो, प्रेम बहादुर आङबुङ, रोहिता लिम्बू, नरपति चोङबाङ, लक्ष्मी तेयुङ र फुल कुमारी सेरेङ चोङबाङ् चयन भएका छन् ।

यसरीगरी यसैकार्यक्रमको अवसर पारेर भगिस्वर तेयुङ (मनोज) को संम्योजकमा ५ सदस्य किरात याक्थुङ चुम्लुङ लिम्बू भाषा तथा साहित्य प्रतिष्ठान समेत गठन गरिएको छ । प्रतिष्ठानको सदस्यमा हाङनारान हुक्पा चोङबाङ, नरेन्द्र खापुङ, यश पी गोधुली र बिनीता सेरेङ रहेका छन् ।

कार्यक्रममा कार्यक्रमका प्रमुख अथिति तथा लिम्बू सांस्कृतिक परिषदका केन्द्रीय अध्यक्ष सागर केरूङ, राष्ट्रिय चुम्लुङ सदस्य सुबिन्द थेगुबा, सम्पूर्ण अध्यक्षकाहरूको तर्फबाट मिम्जीफुङ केलाङ सयङका अध्यक्ष बेनुराज फुदोङ, सम्पूर्ण शिक्षकहरूको तर्फबाट श्रीजुङ मा.बि. का शिक्षक हाङनारान चोङबाङले अफ्नो भनाई राखेका थिए ।

कार्यक्रम चुम्लुङ तेह्रथुमको अध्यक्ष सेसेहाङ हुक्पा चोङबाङको अध्यक्षतामा सम्पन्न भएको थियो भने कार्यक्रम संचालना सचिब राजकुमार तेयुङले गरेका थिए ।