झापा। जनता समाजवादी पार्टी(जसपा) निकट पत्रकारहरुको संगठन समायोजन भएको छ । समायोजित संगठन ‘प्रेस मञ्च नेपाल’ को अध्यक्षमा केशव अर्याल चयन भएका छन् ।

दुई राजनीतिक दलहरु समाजवादी पार्टी र राजपाको समायोजन पछि बनेको प्रेस मञ्च नेपालमा १७१ सदस्यीय संघीय समिति घोषणा गरिएको छ ।

अर्याल तत्कालीन समाजवादी पार्टीनिकट प्रेस नेपालको तर्पmबाट अध्यक्ष भएका हुन् । संघीय समितिमा ३१ जना पदाधिकारी राखिएको छ ।

उपाध्यक्षहरु १० जना छन् । दश उपाध्यक्षमध्ये प्रेस नेपालबाट अतिशकुमार मिश्र, नातिकाजी महर्जन, कमन देवान, प्रल्हाद पोखरेल, मनोज ढोडारी र विजय चाम्लिङ छन् ।

बाँकी चार उपाध्यक्षहरु विन्दकिशोर साह, आशिष गुप्ता, राजेश कर्ण र वीरेन्द्र साह तत्कालीन राजपाबाट छन् ।

महासचिवमा निमेश कर्ण छन् । उनी राजपाको तर्पmबाट हुन् । राजपातिरबाट दुई अलग–अलग संगठन थिए । जुन आपसमा समायोजन नै भएको थिएन ।

समितिको उपमहासचिव दुवैतिरबाट चार÷चार जना राखिएको छ । प्रेस नेपालबाट देवेन्द्र खापुङ, दीपेन्द्र रुम्दाली, शाहीमान राई, योगेन्द्र प्रताप शाही छन् भने राजपाबाट अमरेन्द्रकुमार यादव, विश्वनाथ ठाकुर, अंकुश श्रीवास्तव छन् । एक उपमहासचिवको पद हाल खाली राखिएको छ ।

सचिवहरुमा प्रेस नेपालबाट टीआर शर्मा, मुकेश कुमार मिश्र, विदुर ढुंगेल, उज्वल पौडेल छन् ।

राजपाबाट रामएकवाल साह, हरेन्द्र चौधरी, चन्द्रिका चौधरी, एसएम जहागस्त र ठाकुरसिंह थारु छन् । सचिवमा पनि एक पद खाली छ ।
यसैगरी कोषाध्यक्षमा पासाङ शेर्पा छिन् । उनी तत्कालीन प्रेस नेपालबाट हुन् ।

जसपा निर्माण भएपछि पत्रकारहरुको समायोजनका लागि पार्टीकी कार्यकारिणी समिति सदस्य हिसिला यमी, सुशीला श्रेष्ठ र केशव झा रहेको कार्यदललाई जिम्मा दिइएको थियो ।

हेर्नुहोस् सम्पूर्ण नामावली: