दमक, २९ फागुन । लिम्बु भाषा साहित्यमा तीन दशक देखि अथक रुपमा लाग्नु भएका साहित्यकार ‘लुङा’पत्रिकाका सम्पादक तथा प्रकाशक सेसेमी से–नाल्वो सम्मानित भएका छन् । शनिबार चुम्लुङको ११औं राष्ट्रिय महाधिवेशनको उद्घाटन समारोहमा नाल्बोलाई ‘कियाचु युवराज पत्रकारिता पुरस्कार –२०७८’ बाट सम्मानित गरिएको हो ।

चुम्लुङको आजीवन सदस्य समेत रहेका उनी लामो समय देखि साहित्य, लेखन, भाषा र पत्रकारमा क्रियासिल रहेका छन् ।

विशेष गरी भाषिक आन्दोलनलाई उच्चाईमा पु¥याउन पत्रकारितामा लामोसमयदेखि कृयाशील नाल्वोलाई लिम्बू पत्रकार संघका पूर्व अध्यक्ष स्व. युवराज लिम्बूको स्मृतिमा स्थापना गरिएको पुरस्कारबाट सम्मान प्रदान गरिएको थियो । उनलाई प्रदेश न १ का आर्थिक मामिला मन्त्री इन्द्रबहादुर आङबोले सम्मान प्रदान गरेका थिए ।

हाल झापाको दमक १ सिरीजंगा टोलका स्थायी निवासी अग्रज पत्रकार नाल्बो किरात सिरीजंगा लिपि लेखन तथा नेपाली साहित्य लेखनमा पनि उत्तिकै सकृय छन् उनका गीत तथा केही काव्य कृतिहरु समेत प्रकाशित भएका छन् ।