चुलाचुली, १ चैत्र । संघीय लोकतान्त्रिक राष्ट्रिय मञ्च, संघीय लिम्बुवान प्रान्तीय मञ्च, नेपाल चुलाचुली वडा नं. १ समितिले टोल गठन कार्यक्रमलाई निरन्तर दिईरहेको जनाएको छ । सोमबार मञ्चका प्रान्तीय उपाध्यक्ष थाङसाङ लावतीको प्रमुख आतिथ्यतामा २ वटा टोलहरुमा संगठन विस्तार गरिएको हो ।
चुलाचुली १ स्थित विसाउने टोल समितिमा सुक बहादुर लावतीको अध्यक्षतामा १३ सदस्यीय समिति गठन भएको छ । समितिको उपाध्यक्ष सीता ओरुमहाङ, सचिवमा खड्ग लिङदेन र अर्थसचिवमा सुनिता नेम्बाङ चयन भएका छन् । यसैगरी सदस्यहरुमा क्रमशः उत्तम राई, सुर्य थोक्लेहाङ, दिपेश बेघा, लालबहादुर सुब्बा, सुरेन्द्र लावती, राजन थापा, देउमान लावती, दलबहादुर हाङखिम राई र नरेश राई रहेका छन् ।
यसरी नै माङहिम टोल समितिको अध्यक्षमा किसानध्वज सम्बाहाम्फे चयन भएका छन् । उक्त समितिमा उपाध्यक्ष दिनेश कन्दङवा, सचिव छत्र लावती र अर्थसचिव वविता लावती यसरी नै सहअर्थसचिवमा ज्योति धिमाल निर्वाचन भएका छन् भने सदस्यहरुमा नुर बहादुर राई, गोविन्द धिमाल, अमृत योङहाङ, धनबहादुर तामाङ, डिल्ली लावती, भद्रसिं लावती, राम बहादुुर राई र दुर्गा लावती निर्वाचन भएका छन् ।
कार्यक्रम चुलाचुली १ का वडाध्यक्ष वीरु जवेगुको अध्यक्षतामा भएको थियो । कार्यक्रममा जिल्ला सदस्य सन्तोष इवा, एल.भी. कमाण्डर विशाल लावती, वडा १ उपाध्यक्ष देउमान नेम्बाङ लगायत वडाका नेताहरुको उपस्थिति रहेको थियो ।
यसरी नै १ नम्बर वडाको देउराली टोल र हात्तिलेदा विसाउने टोलमा क्रियासिल सदस्यता वितरण कार्यक्रम समेत सम्पन्न भएको मञ्चका प्रान्तीय सचिवालय सदस्य तथा १ नं. वडाध्यक्ष पूर्ण लावतीले बताए ।
Related