नेपालले जोगायो एकदिवसीय मान्यताः युएईमाथि सानदार जित

 लिम्बुवान न्युज
                       


काठमाडौं, २८ फागुन । नेपालले आइसिसी विश्वकप लिग–२ मा उत्कृष्ट प्रदर्शन गर्दै आफ्नो ओडिआई क्रिकेटमा नयाँ इतिहास रचेको छ । आज टियू क्रिकेट रंगशालामा युनाइटेड अरव इमिरेट्स (युएई) लाई १ सय ७७ रनको फराकिलो अन्तरले हराउँदै नयाँ कीर्तिमान बनाएको हो ।

यो जित रनको हिसाबमा नेपालले हात पारेको आफ्नो ओडिआई इतिहासको सर्वाधिक ठूलो हो । यसअघि नेपालले २०२१ मा पपुवा न्युगिनीविरुद्ध अल अमरेतमा १ सय ५१ रनले पराजित गरेको थियो । त्यस्तै २०१९ मा युएईलाई नै १ सय ४५ रनको फराकिलो अन्तरले हराएको थियो ।

यी तीन जित नै नेपालले ओडिआईमा रनको हिसाबमा हात पारेका सर्वाधिक ठूला जित हुन् । विकेटको हिसाबमा भने नेपालले अमेरिकालाई २०२० मा ८ विकेटले हराएको थियो । नेपालको मात्रै होईन आइसिसी विश्वकप लिग–२ कै सर्वाधिक फराकिलो जित हो ।

लिग–२ मा नेपालले नामिबियाको कीर्तिमान तोडेको हो । यसअघि नामिबियाले २०२२ मा पिएनजीलाई १ सय ६७ रनको फराकिलो अन्तरले हराएको थियो । त्यो नै लिग २ को सर्वाधिक ठूलो जित रहँदै आएको थियो । गतवर्ष स्कटल्यान्डले पिएनजीलाई १ सय ६२ रनले हराएको थियो ।

२०१९ मा नामिबियाले अमेरिकालाई १ सय ३९ रनले हराएको थियो । नेपालले सोमबार पपुवा न्युगिनी र बिहीबार युएईसँग खेल्नेछ । दुवै खेलमा विजयी भएमा सोझै विश्वकप छनोट खेल्न पाउनेछ । पराजित भएमा क्वालिफायर प्लेअफ खेल्नुपर्छ । युएईमाथिको जितसँगै आगामी चार वर्षको लागि ओडिआई मान्यता भने पक्का गराएको छ ।

जितको लागि २ सय ४९ रनको विशाल विजयी लक्ष्य पछ्याएको युएई २२.५ ओभरमा ७१ रनमा अल आउट भयो । युएईका आयन खानले ३३ बलमा २ चौका र २ छक्कासहित सर्वाधिक रन बनाए ।

युएईलाई ७१ रनमा अल आउट गर्न बायाँ हाते स्पिनर ललितनारायण राजवंशीले ७.५ ओभरमा २ मेडनसहित २० रन खर्चेर ५ विकेट लिए । ललितको यो करिअरको उत्कृष्ट प्रदर्शन हो ।

सम्बन्धित समाचार

शहीद मनिल तामाङको १४औं स्मृति दिवस मनाइयो

दमक, ७ चैत्र । राष्ट्रिय शहीद मनिल तामाङ्को १४औं स्मृति दिवसमा श्रद्धाञ्जली कार्यक्रम गरि विविध स्थानमा मनाइएको छ । २०६५ चैत्र ६ गते प्रहरीको गोली लागि धुलाबारीस्थित क्याम्पसमा शहादत्ता प्राप्त गरेका शहीद तामाङ्को स्मरण गर्दै...

पहिचानवादीहरुको विराटनगरमा वृहत जनप्रदर्शन

विराटनगर, ५ चैत्र । कोशी प्रदेश नामकरण खारेजीको माग राख्दै पहिचानवादी दल, संघसंगठानहरु आन्दोलनमा उत्रिएका छन् । पहिचान मेटाएर प्रदेशको नाम राखेको भन्दै असन्तुष्ट बनेका पहिचानवादी दल र संघसंगठनहरु आन्दोलनमा उत्रिएका हुन् । अघिल्लो प्रदेशसभामा...

लिम्बु कथानक चलचित्र ‘सुगुत्’को छायांकन सम्पन्न

काठमाडौ, ३ चैत्र । लिम्बु कथानक चलचित्र ‘सुगुत्’ को छायांकन सम्पन्न भएको छ । पान्थर, ताप्लेजुङका साथै भारतको आसाम लगायत विभिन्न ठाउँमा छायांकन गरि गत फागुन मसान्तमा सकिएको हो । चोक्फुङ इन्टरटेन्मेन्ट प्रा.लि. र खापुङ्...