दमक, ८ चैत्र । शहीद राजकुमार आङदेम्बे ‘माङतोक’–मनिल तामाङ् स्मृति प्रतिष्ठानका उपाध्यक्ष दिपक आङदेम्बेका छोरा साम्योक आङदेम्बेलाई आर्थिक सहयोग प्रदान गरिएको छ । प्रदेश नं. १ पुनः नामाङकन संघर्ष समितिले गत चैत्र २८ गते गरेको प्रदेश आम हडतालको क्रममा प्रहरीको कुटाईबाट घाइते भएका आङ्देम्बेलाई प्रतिष्ठानले सहयोग गरेको हो ।

प्रतिष्ठान कार्य समितिका पदाधिकारीहरुले घाइतेको उपचारमा थप मद्दत पुगोस् भनी रकम संकलन गरि हस्तान्तरण गरिएको महासचिव दिलकुमार लावतीले वताए । उनले प्रतिष्ठानद्वारा संकलित १० हजार रुपैयाँ बुधबार घरमा पुगेर घाइतेका बुबालाई हस्तान्तरण गरेका हुन् ।

घाइते साम्योकको एउटा हात भाँचिएको छ भने अन्य केही भागहरुमा चोट लागेको उनले बताए । उनको उपचार भईरहेको स्वास्थ्यमा क्रमिक सुधार भईरहेको वताए ।

घाइते राष्ट्रिय शहीद राजकुमार आङदेम्बे माङतोकका भतिज हुन् । उनी कमल ताेपगाछीस्थित केर्खामा प्रहरीकाे लाठ्ठि प्रहारबाट घाइते भएका हुन् ।