महागुरु फल्गुनन्दको समाधिमा शालिक नराख्न संघको अनुरोध

 लिम्बुवान न्युज
                       


दमक, १० चैत्र । पाँचथर जिल्लाको फाल्गुनन्द गाउँपालिकास्थित वडा नं. २ र ३ तथा फिदिम नपा वडा नं. ३ को संगम स्थल सिलौटीमा राष्ट्रिय विभूती महागुरु फाल्गुनन्दको शालिक नराख्न सो क्षेत्र संरक्षण गर्दै आएका किराती समूदायले माग गरेका छन् ।
यस अघि पटक पटक विवाद भई पाँचथर जिल्लाका प्रमुख जिल्ला अधिकारी मेखबहादुर मंग्रातीको संयोजकत्वमा बनेको समितिको निर्णयलाई कदर गर्न उच्च अदालत विराटनगरले समेत परमादेश जारी गरेको अवस्थामा पनि किराँती समूदायका गुरु आत्मानन्द पक्षले निर्णय र सहमति विपरित निर्माण कार्य गर्दै आएकोमा सो कार्य रोकी कानुनी राज्यमा सोही बमोजिम काम गर्न फाल्गुनन्द गुरुको अर्को पक्ष किरात धर्म सत्यहाङमा सेवा संघले आग्रह गरेको छ ।


झापाको दमकमा आज पत्रकार सम्मेलन गर्दै संघका केन्द्रिय अध्यक्ष ज्ञानबहादुर लावातीले किरात धर्मका आस्था महागुरु फाल्गुनन्दको समाधिस्थल सबैले सुरक्षित गर्नुपर्ने बताउनु भयो । संघका सचिव बहादुर सिंह नेम्बाङले प्रेसविज्ञप्ति वाचन गर्दै अदालतबाट आएको आदेश, जिल्ला प्रशासन र सरोकारवालाबीच भएको सहमतिलाई समेत कार्यान्वयन नहुँदा महागुरुको ऐतिहासिक महत्व राख्ने समाधी स्थल अतिक्रमणमा परेको बताउनु भयो ।
नेम्बाङका अनुसार आत्मानन्द गुरु र इलामको चुलाचुली गाउँपालिका वडा नं. १ मा केन्द्रिय कार्यालय रहेको संघबीच केही भिन्नताका कारण पनि सो कुरा बुझाबुझ नभएको बताउनु भयो । झण्डा र मन्त्रोच्चारणमा समेत केही फरक रहेकाले आफूहरुले इतिहास देखि नै महागुरु फल्गुनन्दको विचार र सन्देशलाई सही तरिकाले आत्मासाथ गर्दै आएको बताउनु भयो ।
यता आत्मानन्द गुरुसँग समिपमा रहेर किरात धर्म तथा साहित्य उत्थान संघमा लामो समय देखि जिम्मेवार पदमा कार्य गर्दै आउनु भएका डकेन्द्र सिंह थेगिमका अनुसार महागुरुको समाधिस्थलमै शालिक स्थापना नगरी त्यसको वरिपरि मात्र निर्माण थालिएको बताउनु भयो । उहाँका अनुसार कुरा बुझाबुझ हुन नसक्दा विवाद आएको हो र त्यो दुःखद कुरा भएको बताउनु भयो । अव आगामी दिनमा कसरी शालिक स्थापना गर्दा सिंगो किराँतीहरुको इतिहासलाई सकारात्मक तरिकाले अगाडि बढाउँन सकिन्छ भन्ने विषयमा उहाँहरु पनि महागुरुकै चेलाभुला भएकाले सहमतिमा काम गर्नु पर्ने अवस्था सृजना गर्ने उहाँले बताउनु भयो ।
महागुरुको प्रार्थना र मुन्धुम पाठ गरी थालिएको पत्रकार सम्मेलनमा आत्मानन्द गुरुले थालेका झण्डा, मुन्धुम पाठको उच्चारणमा फरक रहेकाले आफूहरुले सो विषयलाई वास्तविकताको खोज गर्न समेत फरक धारमा उभिएर महागुरुकै मार्गमा लागेको बताएका छन् ।

सम्बन्धित समाचार

पहिचानवादी साझा स्वतन्त्र उम्मेदवार डकेन्द्र सिंह लिम्बु (थेगिम)ले पाए चुनाव चिन्ह ‘मुढा’

दमक, २८ चैत्र । आगामी बैशाक १५ गते इलाम निर्वाचन क्षेत्र नं. २ मा हुने उपनिर्वाचनका लागि पहिचान पक्षधरका साझा स्वतन्त्र उम्मेदवार डकेन्द्र सिंह थेगिमले चुनाब चिन्ह हातले बुनेको ‘मुढा’ पाएका छन । मंगलबार निर्वाचन...

आजबाट निर्वाचन आचारसंहिता लागू

दमक, चैत्र २८ । आगामी वैशाख १५ गते हुने उपनिर्वाचनका लागि इलाम र बझाङमा जिल्लाभर निर्वाचन आचारसंहिता लागू भएको छ । इलाम जिल्लाको क्षेत्र नम्बर २ र बझाङ १ को प्रदेश सभा निर्वाचन क्षेत्र नम्बर...

पहिचानवादीहरुको साझा उम्मेदवार डकेन्द्र सिंह लिम्बु (थेगीम) सहित २० जनाको उम्मेदवारी मनोनयन

इलाम, २५ चैत्र। १५ वैशाखमा इलाम–२ मा हुने उपनिर्वाचनका लागि पहिचानवादीहरुको साझा स्वतन्त्र उम्मेदवार डकेन्द्र सिंह लिम्बु (थेगीम) सहित विभिन्न दल र स्वतन्त्र उम्मेदवार गरी २० जनाले मनोनयन दर्ता गराएका छन् । शनिबार इलामस्थित मुख्य...

मेरो उम्मेदवारी एकल जातिय ढंगले चलिरहेको मुलक बिरुद्धको बिद्रोह हो – डकेन्द्र सिंह लिम्बु

  मङ्सेबुङ, २२ चैत/इलाम क्षेत्र नम्बर २ मा स्वतन्त्र उम्मेदवरी घोषणा गरेका डकेन्द्र सिंह थेगिमले आफु पहिचान र अस्तित्व रक्षाको लागि पहिचान पक्षधरको साझा उम्मेदवार भएकोले बिजयी हुनेमा विश्वस्त रहेको बताए । स्वतन्त्र उम्मेदवार डकेन्द्र...