ललितपुर, ५ चैत्र । ताप्लेजुङस्थित मुकुम्लुङ (पाथिभरा) विवाद समाधानका लागि कास्की जिल्ला प्रशासनमार्फत प्रधानमन्त्री केपि ओलीलाई ज्ञापनपत्र बुझाइएको छ । नेपाल आदिवासी जनजाति महासंघ समन्वय परिषद, कास्कीका अध्यक्ष विजेन्द्र चौधरीको नेतृत्वमा विभिन्न १५ जातिय प्रतिनिधित्वकाे उपस्थितिमा प्रमुख जिल्ला अधिकारी भरतमणी पाण्डेलाई ज्ञापन पत्र वुझाइएको हो ।

ज्ञापन पत्र बुझ्नुहुँदै अधिकारी पाण्डेले यसप्रति आफु सकरात्क भएको र ज्ञापनपत्र तत्कालै प्रधानमन्त्री समक्ष पेश गर्ने प्रतिवद्धता व्यक्त गर्नुभयो । ताप्लेजुङकाे मुकुम्लुङ (पाथिभरा)मा नो केबलकार आन्दोलनरत पक्षमाथि सरकारबाट भइरहेको प्रहरी दमन तथा धार्मिक स्थलमा सैन्य करण तत्काल बन्द गरी शान्तिपूर्ण बार्ताको बाताबरण तयार गर्नुका साथै आन्दोलनरत पक्षसँग अविलम्बन बार्ता गरी समस्या समाधन गर्नुपर्ने पत्रमा उल्लेख गरिएको छ । उक्त ऐतिहासिक मुन्धुमी सांस्कृतिक स्थल मुकुम्लुङको प्राकृतिक सम्पदाहरु र धार्मिकस्थल पाथीभराको संरक्षण गर्नुपर्ने समेत उल्लेख गरिएको छ ।

ताप्लेजुङ स्थित किरात लिम्मु याक्थुङ सामुदायको प्राचीनतम मुन्धुमी स्थल मुकुम्लुङ,  हिन्दु धर्मावलम्बिहरुको आस्थाको केन्द्र पाथिभरा विगतदेखि पूर्णरुपमा अशान्त भइरहेको छ । केबलकार निर्माण पक्ष तथा नो केबलकार पक्षवीचको आन्दोलन र द्धन्दले देश गृहयुद्धमा जान सक्ने विभिन्न राजनीतिक दल, जातीय र धार्मिक संघसंस्थाहरु र द्धन्दविज्ञहरुले आ–आफ्नाे गम्भिर धारणा सार्वजनिक गरिरहेको पनि पत्रमा उल्लेख गरिएको छ । पत्रमा उल्लेख अनुसार किरात लिम्बुवान सभ्यताभित्र विभिन्न भाषिक, धार्मिक र सांस्कृतिक समुदाय एक आपसमा मिलिजुली बस्दै आइरेका छन् ।