दमक, २० चैत । संघीय लिम्बुवान प्रान्तीय मञ्च, नेपाल झापा क्षेत्र नं. ५ (क) को प्रदेश निर्वाचन क्षेत्रीय समिति गठन भएको छ । दमकका पुराना पहिचानवादी नेता टंक केरुङको अध्यक्षतामा नयाँ समिति गठन भएको हो ।
शनिबार दमकस्थित नगर समितिको कार्यालयमा मञ्चका अध्यक्ष कुमार लिङ्देन मिराकको प्रमुख आतिथ्यतामा आयोजित कार्यक्रमले केरुङको अध्यक्षतामा नयाँ समिति चयन गरेको हो । समितिको उपाध्यक्षहरुमा प्रकाश नेम्बाङ, गुमानसिंह सम्बाहाम्फे, के.बी. चेम्जोङ चयन गरेको छ भने सचिवमा लासाङ निङलेखु र मनु साम्पाङ राई त्यसैगरी अर्थसचिवमा तेजु आङदेम्बे चयन भएका छन् ।
यसरी नै समितिको सदस्यहरुमा गंगा धिमाल, ममता लिम्बु, शान्ती तामाङ, गीता धिमाल, दासमाया लिम्बु, दिलु सम्बाहाम्फे, श्याम मादेन, दिपा सम्बाहाम्फे, शनी नेम्बाङ र सेसेमी लिम्बु रहेका छन् ।
कार्यक्रम संयोजक तथा उपाध्यक्ष विष्णु माया थापा भट्टराईको अध्यक्षतामा भएको थियो भने कार्यक्रमको सहजीकरण जिल्ला सचिव विकाश मगरले गरेका थिए । स्वागत मन्तव्य दमक नगर सचिव मनु साम्पाङले राखेकी थिइन । कार्यक्रममा मञ्चका उपाध्यक्ष थाङसाङ लावती, प्रान्तीय सचिव मोहन वेघा, राजु राई, रामचन्द्र थापा मगर, दमक नगरअध्यक्ष याम लिम्बु लगायत नेताहरुको सहभागीता रहेको थियो ।
Related