फालेलुङमा पाँचौ चौरी पर्यटन महोत्सव हुने

 लिम्बुवान न्युज
                       

पाँचथर, २० चैत । फालेलुङ गाँउपालिका ४ चाररातेमा ‘पाँचौ फालेलुङ चौँरी पर्यटन महोत्सव २०७९’ को तयारी सुरु गरिएको छ । उच्च पहाडी क्षेत्रमा पर्यटन प्रबद्र्धन गर्ने र चौँरी संस्कृतिको विकास गर्दै जैविक विविधताको संरक्षण गर्ने उद्धेस्यले महोत्सवको तयारी गरिएको हो ।
नयाँ बर्षको अवसरमा आयोजित पाँचौ चौँरी महोत्सव पाँच दिनसम्म सञ्चालन हुने मूल आयोजनक समितिका सचिव सुनिल बान्तवाले बताए । ‘बिगत बर्षमा एक दिने महोत्सव गरिदै आएको थियो,’ फिदिममा आयोजित पत्रकार सम्मेलनमा बान्तवाले भने ‘यो बर्ष पाँच दिनसम्म महोत्सव सञ्चालन गर्ने तयारी गरेका छौँ ।’ बैशाख १ गते महोत्सवको उद्घाटन गर्ने तयारी छ ।
फालेलुङ कञ्चनजंघा पर्या पर्यटन प्रबद्र्धन संस्था, श्री दीप ज्योति युवा क्लब र कञ्चनजंघा चौरीपालन तथा संरक्षण संस्थाले संयुक्त रुपमा महोत्वसवको तयारी गरेका हुन् । तीन हजार पाँच सय ६० मिटरको उचाईमा रहेको नेपाल, भारतको वेष्ट बंगाल र सिक्किमको सिमानामा रहेको चाररातेमा महोत्सवको तयारी गरिएको हो । महोत्सवमा करिब पाँच सय चौरीहरु एकैसाथ प्रदर्शन गर्ने तयारी गरिएको हो ।
चौँरी संस्कृति लोभ हुदैँ गएकाले त्यसलाई संरक्षणका लागि महोत्सवको आयोजना गरिएको हो । महोत्सवमा सहभागिलाई स्थानीय संस्कृति झल्कने परिकारहरु खुवाउने तयारी छ । स्थानीय उत्पादनको प्रदर्शनी, भेडाको उनबाट बनेका सामग्रीहरुको बिक्रि, घोडा चढी, याक चढी गोठबासको (गोठस्टे) समेत व्यवस्था गरिएको छ ।
महोत्वसको अवसरमा उत्कृष्ट चौरीपालक किसानलाई सम्मान गरिने भएको छ । सोही अवसरमा प्रथम याक गोल्डकप सञ्चालन गर्ने तयारी छ । गोल्डकपमा चौँरीपालक किसानहरु सहभागि हने बताईएको छ । महोत्सवमा सहभागिलाई नेपाल भारतको सीमावर्ती क्षेत्रको अवलोकन समेत गराउने तयारी छ । यो क्षेत्र पर्यटकीय हिसाबले अब्बल गन्तव्य हो ।
‘चौँरी उच्च पहाडको सौन्दर्य मात्र नभएर नेपालको सम्पती पनि हो,’ बान्तवाले भने ‘चौँरीको संरक्षण गर्दै पर्यटन प्रबद्र्ध गर्ने हाम्रो मूख्या उद्धेस्य हो ।’ चरण क्षेत्र व्यवस्थित नभएपछि पछिल्लो समयमा चौँरी गोठहरु घट्दै गएका छन् । गोठमा चौँरी घट्ने क्रमसँगै चौरी संस्कृति हाराएकाले संस्कृति संरक्षणका लागि महोत्सवको तयारी गरिएको हो ।
‘चरण क्षेत्रलाई पनि व्यवस्थित गर्नुपर्ने आवश्यकता छ,’ मूल आयोजक समितिका उपाध्यक्ष शिल्प साम्पाङले भने ‘यस क्षेत्रमा रहेको तीन हजार हेक्टर जमिनलाई चरण क्षेत्रका लागि बैज्ञानिक रुपमा व्यवस्थित गर्ने हो भने चौरी संस्कृतिलाई जोगाउन सकिन्छ ।’
महोत्सवबाट यहाँको पर्यटनको सम्भावनालाई माथि उठाउने लक्ष्य राखिएको छ । बस्तिविहिन जंगली क्षेत्रमा आयोजना गरिने चौरी माहोत्सवमा आन्तरिक र बाह्य पर्यटकलाई सहभागि गराउने आयोजकको तयारी छ ।
पाँचथर सहित पूर्वी नेपालका ताप्लेजुङ, इलाम, झापा, काठमाण्डौदेखि भारतको सिक्किम र दार्जिलिङका वासिन्दा, पर्यटन व्यवसायी र सर्वसाधारणले महोत्सवको अवलोकन गर्ने अनुमान गरिएको हो । करिब ६ लाखको अनुमानित लागतमा समहोत्सवको तयारी गरिएको हो । (जोरपाटीबाट)

सम्बन्धित समाचार

विर्तामाेडमा प्रतिबन्धित औषधीसहित एकजना पक्राउ

दमक, २ साउन । झापाको बिर्तामोड नगरपालिका-५ स्थित एक औषधी पसलबाट ठुलो परिमाणमा भण्डारण गरी राखेको प्रतिवन्धित औषधी सहित अर्जुनधारा नगरपालिका ६ का २५ बर्षीय बिनोद घिमिरेलाई प्रहरीले नियन्त्रणमा लिएकाे छ । बिर्तामोड-५ स्थित  मनकुमार...

प्रथम ध्रुवतारा फूटसल प्रतियाेगिता हुँदै

दमक, २ साउन । झापाको दमकमा प्रथम ध्रुवतारा फुटसल प्रतियोगिता-२०८२ हुने भएको छ । आजबाट हुने साे प्रतियाेगिता भाेली  ३ गते सम्म संचालन हुनेछ ।  दुई दिनसम्म हुने साे प्रतियोगिता दमक ५ गोर्खाली टोलमा रहेको विष्ट फुटसलको कोर्टमा सञ्चालन हुने आयाेजकले जनाएकाे छ । ध्रुवतारा स्पोर्टिङ क्लब दमकको आयोजनामा हुने साे प्रतियोगितामा सहभागी टिमले  इन्ट्रि फि ६ हजार रुपैयाँ रहेको खेल संयोजक सन्दिप तामाङले बताए । उनका अनुसार यस प्रतियोगितामा प्रतिस्पर्धी टिमले ए डिभिजन खेलाडीहरु एक जना मात्र सहभागी गराउन सक्ने नियम रहेको छ । प्रतियोगिताको विजेताले नगद ७० हजार रुपैयाँ सहित ट्रफि र मेडल हात पार्ने छ भने उपविजेता टिमले नगद ३५ हजार रुपैयाँ सहित ट्रफि र  मेडलमा चित्त बुझाउनु पर्ने छ ।

प्रदेश नं. १ नामकरण बहसले लियो नयाँ मोड– अशाेक चेम्जाेङ्

दमक, ३२ असार । प्रदेश नं. १ को नाम कोशी नामाकरणसँगै प्रदेशका पहिचान पक्षधरहरु एकजुट भएर नाम खारेजी आन्दोलनमा लडेकाहरु यतिवेला नामको विषयमा पुनः आरोप प्रत्यारोपमा उत्रिएका छन् । सामाजिक संजालमा पहिचानवादी एकता अभियानको एक...

सरकारले प्रतिनिधिसभामा दुइतिहाइ गुमायाेः राष्ट्रिय सभामा अल्पमत

ललितपुर, ३२ असार ।  जनता समाजवादी पार्टी, नेपाल (जसपा)ले सरकारलाइ दिएकाे समर्थन फिर्ता लिएकाे जनाएकाे छ । सत्ता साझेदार दल जसपा, नेपालले भूमि विधेयकको अन्तर्वस्तुप्रति असहमति जनाउँदै बुधबार बसेको संसदीय दल बैठकले सरकारलाइ दिएकाे समर्थन फिर्ता ...