त्रिसाली मेलामा अन्तराष्ट्रिय आमन्त्रण गोल्डकप हुने

 लिम्बुवान न्युज
                       

पाँचथर, २२ चैत । कुम्मायक गाउँपालिकाको यासोकमा तेस्रो कुम्मायक– कुस्सायक अन्तराष्ट्रिय आमन्त्रण गोल्डकप प्रतियोगिता संचालन हुने भएको छ ।
त्रिशाली पूजा तथा मेलाको अवसरमा चैत २८ गतेदेखि आयोजना हुने खेल बारेमा आयोज मार्फत सोमबार फिदिममा पत्रकार सम्मेलन गरि प्रतियोगिताको खेल तालिका सार्वजनिक गरिएको हो ।

उक्त प्रतियोगितामा भारत सहित आठ टीमको सहभागीता रहने जनाइएको छ । पालिकाको वडा नम्बर १,यासोकस्थित पृथ्वी माध्यमिक विद्यालयको खेलमैदानमा हुने प्रतियोगिताको उद्घाटन खेलमा आयोजक सयपत्री क्लव (निलो) ले ब्रदर्श युनाइटेड क्लव झापासंग प्रतिस्पर्धा गर्नेछ ।

दोस्रो खेल चैत २९ गते केएफसी झापा र खेवाङ एफसी ताप्लेजुङ बीच भिडन्त हुनेछ । प्रतियोगिताको चौंथो खेल चैत ३० गते संगम एफसी सुनसरी र केकेएफसी झापा बीच हुने आयोजक समितिले जानकारी दिएका छन् । प्रतियोगिता अन्तर्गत पहिलो चरणको अन्तिम खेल वैशाख १ गते सयपत्री क्लव (रातो) सिलिगुढी भारतको एसटी ब्रदर्श बिरुद्ध मैदान उत्रिनेछ ।

प्रतियोगिताको बिजेतालाई नगद ३ लाख ३३ हजार ३३३ रुपैंयाँ र उपबिजेताले नगद १ लाख ६६ हजार ६६६ रुपैंयाँ प्रदान गरिने भएको छ । हरेक खेलको म्यान अफ् दि म्याचलाई नगद ५ हजार रुपैंयाँ र बिधागत तर्फका उत्कृष्टलाई जनही ८ हजार रुपैंयाँ प्रदान गरिने आयोजक सयपत्री क्लवका अध्यक्ष शिव लाओतीले जानकारी दिए ।
यस खेलसंगै भलिवल र व्याडमिन्टन प्रतियोगिता,स्रष्टा सम्मान साथै विविध साँस्कृतिक तथा मनोरञ्जनात्मक कार्यक्रमहरुको आयोजना गरिएको छ ।

खेलबाट भरपुर मनोरञ्जन तथा आन्तरिक पर्यटको उपस्थित रहने अपेक्षा गरिएको पूजा तथा मेला मूल समारोह समितिका संयोजक समेत रहेका १ नम्बर वडाका अध्यक्ष देबेन्द्र कुमार लावतीले बताए ।

विगतदेखि लाग्दै आएको त्रिसाली मेलालाई थप आकर्षक बनाउन र यहाँ रहेका धार्मिक स्थलको प्रचारप्रसार गरि आन्तरिक पर्यटकको माध्यमबाट यस क्षेत्रको विकास र प्रवर्द्धनमा सहयोग पु¥याउने उदेश्य सहित खेलको आयोजना गरिएको उनले जानकारी दिए ।

सम्बन्धित समाचार

स्वतन्त्र उम्मेदवार हर्क साम्पाङ बने धरानकाे प्रमुख, उप–प्रमुखमा माओवादीका बेघा

धरान, ८ जेठ । धरान उपमहानगरपालिकाको प्रमुख पदमा स्वतन्त्र उम्मेदवार हर्कराज राई (साम्पाङ) विजयी भएका छन् । त्यसैगरी उप–प्रमुखमा भने नेकपा माओवादी केन्द्रका आइन्द्रबिक्रम बेघाले बाजी मरेका छन् । साम्पाङ आफ्ना निकटम प्रीतद्वन्द्वीलाई ४७६२ मतान्तरले...

रेशम चौधरीको पार्टीबाट चार पालिका प्रमुखसहित ९९ जना निर्वाचित

लिम्बुवानखबर, ८ जेठ । रेशम चौधरीको नेतृत्वमा बनेको नागरिक उन्मुक्ति पार्टीले कैलाली जिल्लामा ४ पालिका प्रमुख सहित ९९ जना निर्वाचित भएका छन् । उन्मुक्तिले चार पालिका प्रमुख र तीनवटा उपप्रमुख समेत रहेका छन् । यि...

सरकारद्वारा ६५ बर्षमै वृद्धभत्ता दिने तयारी

विशेषगरी एमाले नेतृत्वको सरकारले सामाजिक सुरक्षा भत्तालाई भोट राजनीतिमा प्रयोग गर्दै आएकोमा प्रधानमन्त्री शेरबहादुर देउवाले पनि त्यसलाई निरन्तरता दिन लागेका छन् । मुलुकको अर्थतन्त्रको क्षमताअनुसार सामाजिक सुरक्षाभत्ताको दायरा बढाउन कठिन भए पनि वर्तमान सरकारले ६५...

किशोरी बलात्कार आरोपी मनोज पाण्डे आठ बर्ष पछि पक्राउ

आठ वर्षअघि एक किशोरीलाई बलात्कार गरेको आरोप लागेका मोडल ग्लोबल भिसाज कन्सल्टेन्सीका सञ्चालक मनोज पाण्डेलाई प्रहरीले पक्राउ गरेको छ । शनिबार दिउँसो काठमाडौंबाट उनलाई प्रहरीले पक्राउ गरेको स्रोतले जनाएको छ । काठमाडौं उपत्यका अपराध अनुसन्धान...