नेपाली चलचित्र कबड्डी चौथोले रिलिज अघि नै लगानी गर्‍यो सुरक्षित

 लिम्बुवान न्युज
                       

काठमाडौं, १६ वैशाख । दयाहाङ राई र सौगात मल्ल स्टारर प्रतीक्षित फिल्म ‘कबड्डी’को चौथो श्रृंखलाले रिलिजअघि नै लगानी सुरक्षित गरेको छ ।

बिहीबारसम्म प्रमुख विश्व बजारमा राइट बिक्रीबापत फिल्मले दुई करोड रुपैयाँ ग्रस कमाएको छ । फिल्मको लगानी झण्डै तीन करोड रुपैयाँ रहेको जनाइएको छ ।

निर्माता मणिराम पोखरेलले युरोप, अमेरिका, अष्ट्रेलिया, बेलायत, न्युजिल्याण्ड, हङकङ, जापान र भारतमा राइट बिक्री भइसकेको बताए । उनका अनुसार जेठ १३ गते नेपालसहित ती मुलुकमा एकसाथ फिल्म प्रदर्शन हुनेछ ।

‘विदेश बिक्रीबापत प्राप्त दुई करोड र डिजिटल राइटसहित हामीले लगानी सुरक्षित गरेका छौं,’ निर्माता पोखरेलले भने, ‘अब हामीलाई नेपाल प्रदर्शनमा सजिलो पनि भएको छ ।’

निर्माता पोखरेलका अनुसार फिल्मका अघिल्ला तीन सिक्वेलभन्दा चौथोले विदेशबाट अहिलेसम्मकै उच्च कमाइ गरेको हो । राइट बिक्री भइसकेका विदेशी मुलुकमा नेपालसँगै फिल्म रिलिज हुने जानकारी पनि उनले दिए ।

अष्ट्रेलिया र बेलायतमा उच्च मूल्यमा राइट बिक्री भएको छ । रिलिज अगाडि नै ‘कबड्डी ४’को यो डायस्पोरा व्यापारलाई कोरोना महामारीले प्रभावित फिल्मको विदेशी बजार लयमा फर्किएको रुपमा हेरिएको छ ।

‘विदेशी बजार अब सामान्य हुँदै गएको देखिन्छ । कबड्डीको व्यापारले अन्य फिल्मलाई पनि हौसला दिन्छ,’ पोखरेलले भने । भारतमा चाहिं नेपाल रिलिजको एक सातापछि मात्र फिल्म प्रदर्शन गर्ने तयारी छ ।

रामबाबु गुरुङ निर्देशित फिल्ममा दयाहाङ राई, सौगात मल्ल, मिरुना मगर, गौमाया गुरुङ लगायतको अभिनय छ । यसपटक सिक्वेलको नाम ‘कबड्डी ४ः द फाइनल’ म्याच राखिएको छ । फिल्मको सिक्वेल अन्तिम हुन्छ वा हुँदैन, केही खुलाइएको छैन ।

गत महिना रिलिज भएको गीत ‘केसरी’ अहिले टिकटक लगायतका सामाजिक सञ्जालमा हिट पनि भइरहेको छ । (अनलाइन खबरबाट)

सम्बन्धित समाचार

स्वतन्त्र उम्मेदवार हर्क साम्पाङ बने धरानकाे प्रमुख, उप–प्रमुखमा माओवादीका बेघा

धरान, ८ जेठ । धरान उपमहानगरपालिकाको प्रमुख पदमा स्वतन्त्र उम्मेदवार हर्कराज राई (साम्पाङ) विजयी भएका छन् । त्यसैगरी उप–प्रमुखमा भने नेकपा माओवादी केन्द्रका आइन्द्रबिक्रम बेघाले बाजी मरेका छन् । साम्पाङ आफ्ना निकटम प्रीतद्वन्द्वीलाई ४७६२ मतान्तरले...

रेशम चौधरीको पार्टीबाट चार पालिका प्रमुखसहित ९९ जना निर्वाचित

लिम्बुवानखबर, ८ जेठ । रेशम चौधरीको नेतृत्वमा बनेको नागरिक उन्मुक्ति पार्टीले कैलाली जिल्लामा ४ पालिका प्रमुख सहित ९९ जना निर्वाचित भएका छन् । उन्मुक्तिले चार पालिका प्रमुख र तीनवटा उपप्रमुख समेत रहेका छन् । यि...

सरकारद्वारा ६५ बर्षमै वृद्धभत्ता दिने तयारी

विशेषगरी एमाले नेतृत्वको सरकारले सामाजिक सुरक्षा भत्तालाई भोट राजनीतिमा प्रयोग गर्दै आएकोमा प्रधानमन्त्री शेरबहादुर देउवाले पनि त्यसलाई निरन्तरता दिन लागेका छन् । मुलुकको अर्थतन्त्रको क्षमताअनुसार सामाजिक सुरक्षाभत्ताको दायरा बढाउन कठिन भए पनि वर्तमान सरकारले ६५...

किशोरी बलात्कार आरोपी मनोज पाण्डे आठ बर्ष पछि पक्राउ

आठ वर्षअघि एक किशोरीलाई बलात्कार गरेको आरोप लागेका मोडल ग्लोबल भिसाज कन्सल्टेन्सीका सञ्चालक मनोज पाण्डेलाई प्रहरीले पक्राउ गरेको छ । शनिबार दिउँसो काठमाडौंबाट उनलाई प्रहरीले पक्राउ गरेको स्रोतले जनाएको छ । काठमाडौं उपत्यका अपराध अनुसन्धान...