दमक, २१ चैत्र । किरात मोर्चाको केन्द्रीय सदस्य बाल कुमार थाम्सुहाङ (मिसेकहाङ किरात)लाई संगठनबाट निस्काशन गरेको छ । संगठनलाई खलल पुराउने क्रियाकलाप गरेको हुँदा मोर्चाले कारवाही गरेको हो ।

मोर्चाले आइतबार एक विज्ञप्ति जारी गर्दै कोशी प्रदेश नाम खारेजी आन्दोलनलाई निरन्तर अघि बढाउन प्रदेश नं. १ पुनः नामाङकन संयुक्त संघर्ष समितिले आन्दोलन गरिरहँदा चैत्र ५ गतेको आन्दोलनमा घाइते भएका लाजेहाङले शहादत्ता प्राप्त गरिरहेको यो वेला अराजक गतिविधि गर्दै विभिन्न समयमा पार्टी जन्माउँदै फुटाउने क्रियाकलाप गरिरहेको हुँदा मोर्चाबाट निस्काशन गर्नु परेको विज्ञप्तिमा उल्लेख गरिएको छ ।

मोर्चाका बरिष्ठ उपाध्यक्ष तथा अनुशासन विभाग प्रमुख गोपाल पुन मगर, केन्द्रीय सचिव ओम धामी (चौधरी) र प्रदेश १ प्रमुख पूर्ण थापा मगर तीन नेताहरुले संयुक्त विज्ञप्ति जारी गर्दै किरात, लिम्बुवान आन्दोलनलाई भाड्न घुसपैठ कृयाकलाप गरेको हुँदा मोर्चाको साधारण सदस्य समेत नरहने गरी कारवाही गरेको जनाइएको छ ।

विज्ञप्तिमा संघर्ष समितिले आन्दोलन घोषणा गरिसकेपछि पनि बन्द हडताल घोषणा गरेर आन्दोलनलाई नै तुहाउने षडयन्त्र गरेको र सबै आदिवासी जनजातिहरुको मुद्दालाइ अेाझेल पार्दै यो आन्दोलनलाई नै असहज बनाउने र दुईचार जना लिम्बुहरु भेला गरेर आन्दोलन भाड्ने काम गरेको हुँदा मोर्चाको १ नम्बर प्रदेश कमिटी र केन्द्रीय कमिटीले कारवाही गरेको विज्ञप्ति मार्फत भनेको छ ।