झापा। झापाको मेचीनगर–७ का वडाध्यक्ष चन्दन मेचेको कोरोना संक्रमणबाट निधन भएको छ । विगत ५ दिनदेखि बिर्तामोडस्थित बिर्तासिटी हस्पिटलको भेन्टिलेटरमा रहेर उपचाररत मेचेको शनिबार विहान ११ः३० बजे निधन भएको हो ।

मेचीनगर सामाजिक विकास समिति संयोजक नबिन बरालका अनुसार कोरोना संक्रमणले स्वास्थ्यमा समस्या गत वैशाख २७ गते उनी हस्पिटल भर्ना भएको र २८ गते गरिएको स्वाब परीक्षणमा कोरोना संक्रमण पुष्टि भएको थियो ।

मेचे काँग्रसको भातृ संगठन आदिबासी जनजाती संघ झपाका जिल्ला अध्यक्ष तथा मेचे समाज शिवियारी आफातका पूर्व कन्द्रीय अध्यक्षसमेत रहेका थिए । मेचेका एक श्रीमती तीन छोरा र एक बुहारी छन् । मृतक वडाध्यक्षको आजै स्थानीय निन्दा नदीमा अन्तिम दाहसंस्कार गरिन नगरपालिका स्रोतले बताएको छ ।