मिक्लाजुङ्। पाँचथरको मिक्लाजुङ ५ बस्ने मुटुरोगी कालेन्द्र लावतीलाई दक्षिण कोरियाबाट आर्थिक सहयोग प्राप्त भएको छ । पापोहाङ लाओती सयङ दक्षिण कोरियाको सहयोग अभियान मार्फत प्राप्त २ लाख १५ हजार रुपैयाँ  मुटु रोगी लावतीलाई हस्तान्तरण गरिएको हो ।

विगत केही महिनादेखि लावतीको मुटुमा रेयूमेटिक हर्ट डिजीज भई शल्यक्रिया गर्नु पर्ने भएको हुँदा आर्थिक अवस्था नाजुक भएको हुँदा आर्थिक सहयोगको अपिल गरिएको संयोजक गगन लावतीले बताए । हाल गंगालाल हृदयकेन्द्र काठमाडौंमा उपचार गराईरहनु भएका लावतीको उपचारका ५ लाख रुपैयाँ खर्च भईसकेको र अब अप्रेसन गर्न थप ५ लाख रुपैयाँको आवश्यकता रहेको संयोजक लावतीले बताए । हाल बिरामी काठमाडौंमै रहेको पनि संयोजक लावतीले बताए ।

संयोजक लावतीले पापोहाङ लाओती सयङ दक्षिण कोरियालाई सहयोगको लागि धन्यवाद व्यक्त गरेका छन् । त्यसैगरी विरामीका दिदी विमला लावतीले भाइकाे उपचारको लागि सहयोग गर्नुहुने सहयोगी मनहरुप्रति कृतज्ञा व्यक्त गरेकी छन् ।

यस्तैगरी विरामीको उपचारलाई सहज बनाउन जतिपनि सहयोग गर्नुहुने प्रति मिक्लाजुङ गाउँपालिका वडा नं. ५ का अध्यक्ष अविसन लावतीले पनि आभार प्रकट गरेका छन् । पापोहाङ लाओती सयङ दक्षिण कोरियालाई हार्दिक धन्यवाद व्यक्त गर्दै वडाध्यक्ष लावतीले थप उपचारको लागि सहयोगी मनहरुलाई पुनः अनुरोध गरेका छन् ।