५ जेठ, चुलाचुली / इलामको चुलाचुली गाउँ पालिकाको पुरानो नेतृत्वलाई विदाई तथा नव निर्वाचित अध्यक्षलाई निर्वाचन आयोगद्वारा निर्वाचित भएको प्रमाणपत्र प्रदान गर्ने कार्यक्रम सम्पन्न भएको छ ।
बिहीबार नव निर्वाचित पालिका अध्यक्ष राजेन्द्र केरुङलाई वर्तमान पालिका अध्यक्ष प्रदिपचन्द्र राईद्धारा दोसला ओडाएर कार्यालयमा स्वागत गरेका थिए भने, निर्वाचन अधिकृत तेज प्रकाश प्रसाईले प्रमाण पत्र प्रदान गर्नु भएको थियो ।
भोलि ६ गते बेलुकी ५ बजे गाउँपालिका सभाहलमा अध्यक्षले अन्य निर्वाचित पदाधिकारी तथा सदस्यहरुलाई शपथ ग्रहण गराउने कार्यक्रम रहेको पालिका प्रशासकीय अधिकृत सुवास श्रेष्ठले जनाएका छन् ।
श्रेष्ठका अनुसार, ‘निर्वाचित अध्यक्ष भोली विहान जिल्लामा शपथ ग्रहण गर्न जाने भएकाले उहाँलाई आजै पालिकाको पुरानो नेतृत्व टिमको विदाई कार्यक्रमको अवसरमा प्रमाण पत्र प्रदान गरेको वताए ।’
२०६४ सालको स्थानीय निर्वाचनमा निर्वाचित पालिका अध्यक्ष प्रदिपचन्द्र राईको नेतृत्वको समय आज साँझ ५ बजेबाट सकिएको हाे ।
Related