सहकारीहरूबीच एकीकरणकाेलागि स्थानीय सरकारद्वारा आग्रह

 लिम्बुवान न्युज
                       

दमक/ सहकारी संस्थाका बिद्यमान समस्याहरुको समाधानका लागि सहकारीहरुबीचको सहकार्यमा जोड दिँदै एकीकरणका लागि समेत पहल कदमी लिन दमकका सहकारी संस्थाहरुलाई स्थानीय सरकारले आग्रह गरेको छ ।
नगरपालिकाले सहकारी संस्थाहरुबीचको एकीकरण प्रकृया र यसबाट हुने फाइदाहरुका बिषयमा सरोकारवालाहरुलाई एकै ठाउँमा राखेर अभिमुखिकरण समेत सञ्चालन गरेको छ । नगरपालिकाको सहकारी शाखाले बिहिबार नगरपालिकाको सभाकक्षमा आयोजना गरेको अभिमुखीकरण कार्यक्रमको उदघाटनमा दमक नगरपालिकाकी उपप्रमुख रेगिना भट्टराई (प्रसाइँ)ले सहकारी क्षेत्रमा देखिएका समस्याहरुको समाधानका लागि स्वयं सञ्चालक र कर्मचारीहरु बढी जिम्मेवार हुुनुपर्ने औंल्याइन् ।
उपप्रमुख भट्टराईले सहकारीहरुबीचको एकीकरणमा स्थानीय सरकारले जोड दिएको उल्लेख गर्दै बैंक, बिद्यालयहरु समेत मर्ज अर्थात एकीकरणको अभ्यासमा रहेकाले अब सहकारीहरुपनि कसैको व्यक्तिगत स्वार्थका लागि संकटपूर्ण अवस्थाबाट गुज्रिन नहुने सुझाव दिइन् ।कार्यक्रममा जिल्ला सहकारी संघका उपाध्यक्ष प्रेमप्रसाद कोइरालाले सहकारीहरुबीचको एकीकरणका लागि नगरपालिकाले गर्दै आएको प्रयत्नप्रति सहकारी संघ सकारात्मक रहेको धारणा राखे । उनले सहकारी क्षेत्र बदनाम हुनबाट जोगाउनु सबैको साझा दायित्व र जिम्मेवारी भएको पनि उल्लेख गरे ।


कार्यक्रममा दमक नगर सहकारी समन्वय समितिका अध्यक्ष टिकाराज सापकोटाले यस किसिमका औपचारिक गोष्ठी, छलफल , तालिम आदि व्यवहारिक रुपमा पनि उपयोगी हुनुपर्ने सुझाए । उनले व्यवहारिक कार्यान्वयनमा आउने किसिमका कार्यक्रमहरु ल्याउनुपर्ने औंल्याए ।
दमक नगर सहकारी बोर्डका अध्यक्ष पुण्यप्रसाद दाहालको अध्यक्षतामा भएको उदघाटन कार्यक्रममा दमक नगर सरकारका सहकारी रजिष्टार यज्ञ निरौलाले नगरपालिका यस किसिमका अन्तरक्रियात्मक छलफल र बहसका माध्यमबाट साझा रुपमै सहकारी समस्या हल गर्न प्रयत्नरत रहेको उल्लेख गरे ।
सो अवसरमा कोशी प्रदेश सहकारी विभागका रजिष्टार हरिबहादुर खत्री र अधिकृत मोहन भट्टराईले सहकारी एकीकरण प्रकृयाका बिषयमा बिद्यमान कानुनी अवस्था, सञ्चालक र शेयर सदस्यहरुको भुमिका लगायतका बिषयमा प्रशिक्षण दिएका थिए । अभिमुखीकरणमा दमकमा सञ्चालित विभिन्न ७० वटा सहकारी संस्थाका सञ्चालक, व्यवस्थापकहरुको सहभागिता रहेको सहकारी शाखा प्रमुख इच्छाराम चम्लागाइँले जानकारी दिए ।
सो अवसरमा जिल्ला बचत तथा ऋण सहकारी संघका अध्यक्ष तुलाराम न्यौपानेसहित नगरपालिकाको सहकारी बिकास बोर्डका सदस्यहरुको आतिथ्य रहेको थियो ।

सम्बन्धित समाचार

दमकमा तीन दिने माेवाइल पत्रकारिता तालिम हुने

दमक,असार ५ । झापाको दमकमा ३ दिने मोबाइल पत्रकारिता तालिम हुने भएको छ । झापा जिल्लाको माइ पश्चिम तथा इलामको माङसेबुङ र चुलाचुली गाउँपालिकको साझा संस्था पत्रकार मञ्च दमकको आयोजनामा दमक ८ स्थित मञ्चको सभाहलमा तालिम...

याक्थुङ मुन्चइत् चोक सयङको अध्यक्षमा सागर केरुङ् निर्वाचितः १३ बुँदे प्रस्ताव सार्वजनिक

ललितपुर, ५ असार । याक्थुङ मुन्चइत् चोक सयङको चौथो राष्ट्रिय महाधिवेशन काठमाडौंस्थित् चुम्लुङहिममा सम्पन्न भएको छ । मंगलबार र बुधबार (आज) दुई दिन संचालन भएको कार्यक्रमले सागर केरुङको अध्यक्षतामा नयाँ कार्यसमिति चयन गर्दै सम्पन्न भएको...

प्रदेश १ पुनः नामाङकन संयुक्त संघर्ष समितिद्वारा ११ बुँदे निर्णय सार्वजनिकः मंसिर २ गते विराटनगरमा विशाल जनप्रदर्शन

ताप्लेजुङ, फुङ्लिङ्, २ असार । प्रदेश नं. १ पुनः नामाङकन संयुक्त संघर्ष समितिले नयाँ चरणको आन्दोलन सुरु गर्ने घोषणा गरेको छ । ताप्लेजुङको फुङलिङ बजार स्थित स्नो लियोपार्ड होटलमा बसेको दुई दिने बैठकको अन्तिम दिन...

प्रदेश १ पुनः नामाङकन संयुक्त संघर्ष समितिको दुई दिने बैठक बस्दैः राजनैतिक मोर्चा गठनबारे छलफल हुने

ताप्लेजुङ, फुङलिङ् १ असार । ताप्लेजुङको फुङ्लिङस्थत बजारमा प्रदेश १ पुनः नामाङकन संयुक्त संघर्ष समितिको दुई दिने भौतिक बैठक आजबाट बस्दैछ । प्रदेश १ को नाम कोशी खारेज गर भन्ने नाराका साथ असार १ र...