ललितपुर, १० जेष्ठ । शान्तिका अग्रदूत एसियाका ताराका रुपमा विश्वमा परिचित सिद्धार्थ गौतम अर्थात् गौतम बुद्धको आज २५६८ औं जयन्ती विश्वभरि विविध कार्यक्रम गरि मनाइँदैछ । प्रत्येक वर्ष वैशाख शुक्ल पूर्णिमाका दिन बुद्धजयन्ती मनाउने परम्परा रहेको छ ।
भगवान बुद्धले विश्व शान्ति स्थापनाका लागि पु¥याएको योगदानको सम्मान गर्दै यो पर्व मनाउने गरिएको हो । ‘अहिंसा नै शान्ति र मैत्रीको आधारशिला हो’ यस्ता बुद्धका आठ उपदेशहरु अहिलेपनि विश्वमा प्रशिद्ध छ । नेपालका बौद्ध धर्मावलम्बीहरुले आजको दिनलाई विशेष दिनको रुपमा बुद्धलाई सम्झेर बौद्ध विहार, गुम्बा, चैत्य लगायत बौद्ध धार्मिक स्थलहरु लगायत विभिन्न जार्तीहरुले आ–आफ्ना गुम्बाहरुमा हर्सोउल्लासका साथ आज जयन्ती मनाइदैछ ।
यस्तै आजका दिन नेपालमा मात्र हैन बुद्ध धर्म मान्ने सबै राष्ट्रहरुले समेत बुद्धजयन्ती मनाउने परम्परा रहेको छ । छिमेकी देशहरु चीन, भारत, श्रीलंका, भूटान, माल्दिपस त्यसैगरी जापान, थाइलेण्ड, अमेरिका, कोरिया, भियतनाम, लाओस, सिंगापुर, बेलायत, लगायत विश्वका देशहरुमा बुद्धलाई भगवानको रुपमा मान्ने गरिएको छ ।
नेपाल लगायत विश्वमा रहेका बौद्ध धर्मावलम्बीहरुले बुद्धको जन्म, ज्ञान प्राप्ति, महापरिनिर्वाण अर्थात् निधन वैशाख शुक्ल पूर्णिमाकै तिथिमा परेकाले यस दिन नेपाल लगायत विश्वका बौद्ध धर्मावलम्बीले बुद्धप्रति भावपूर्ण श्रद्धा र भक्तिले बुद्धजयन्ती मनाउने गर्दछन् ।
यस अवसरमा गौतमबुद्धको जन्मस्थल लुम्बिनी, काठमाडौंको स्वयम्भू, बौद्धलगायत स्थलमा लाखौंको उपस्थितिमा विविध कार्यक्रम आयोजना गरि मनाइदैछ ।
इसापूर्व ५६३ अर्थात् आजभन्दा २५६८ वर्षअघि रुपन्देहीको .लुम्बिनी उद्यानमा पिता राजा शुद्धोधन र माता मायादेवीको सन्तानको रुपमा वैशाख शुक्ल पूर्णिमाका दिन सिद्धार्थ गौतमको जन्म भएको थियो । राजकुमारका रुपमा जन्म लिएका सिद्धार्थ गौतम मानिसले पाएका अनेकौं दुःख देखेर चिन्तित भई २९ वर्षको उमेरमा दरबार छोडी तपस्याका लागि निस्किएको बताइन्छ ।
बुद्धजयन्तीको अवसरमा बेलुकी घरमा दीपावली गरेर बुद्ध जयन्ती मनाउन सरकारले सबैलाई आह्वान गरेको छ । आज बुद्ध जयन्ती र किरातीहरुको उभौली पर्व एकै दिन परेको छ । सरकारले आज देशभर सार्वजनिक बिदा दिएको छ ।