स्रष्टा पब्लिकेसनले ल्यायो “सपनाहरुको बही”

 लिम्बुवान न्युज
                       


दमक, जेष्ठ १२/ शुक्रबार झापाको दमकमा पूर्वेली साहित्यकारहरुको बाक्लो उपस्थितिमा साहित्यकार अभागी थेगुवाको कविता सङग्रह ‘सपनाहरुको बही’ को लोकार्पण भएको छ ।
झापाको दमक स्थित गोर्खा किचनको सभाहलमा स्रष्टा पब्लिकेसनद्वारा प्रकाशित साहित्यकार थेगुवाको कविता सङग्रह ‘सपनाहरुको बही’को लोकार्पण गरिएको हो ।
बरिष्ठ साहित्यकार केशव आचार्यको प्रमुख आतिथ्यता रहेको उक्त कार्यक्रममा प्राज्ञद्वय मुनाराज सेर्मा, सुमित्रा वाङ्देल चेली, वरिष्ठ गीतकार शिव शंकर थापामगर, सामाजिक अगुवा बालचन्द्र सुब्बा, वरिष्ठ पत्रकार चन्द्र भण्डारी, साहित्यकार हेम अधिकारी, हस्त परियार, कवि कृष्ण बराल लगायतको उपस्थिति रहेको थियो भने संयुक्त रूपमा उक्त कृतिको लोकार्पण गरिएको थियो ।

कार्यक्रमको शुभारम्भमा स्रष्टा पब्लिकेसनको समेत विधिवत रूपमा उद्वघाटन गरिएको थियो । उद्घाटनसँगै पब्लिकेसनले पहिलो कृतिको रुपमा “सपनाहरुको बही” ल्याएको हो ।
त्यसपश्चात लोकार्पण गरिएको कृतिबारे कवि प्रकाश बुढाथोकी, प्रकाश थाम्सुहाङ र लीला अनमोलले बोलेका थिए ।
कार्यक्रममा कृतिकार थेगुवाले आफ्नो कृति बारे विषयवस्तु प्रकाश पार्दै एउटा कविता वाचन गरेका थिए ।
थेगुवाको उक्त कृतिमा लामा र छोटा गरी ५१ वटा कविता संग्रहित छन् भने थप पाँच वटा कोरोना कालका कवितालाई संग्रहमा समावेश गरिएको छ । करिव तीन दशकदेखि निरन्तर साहित्य लेखनमा क्रियाशील उनका बुद्धले अश्त्र कविताकृति (२०५८) र हर्के, म अनि युद्ध गजलकाव्य (२०६७) प्रकाशित छन् । उनको यो तेस्रो कृति हो ।

कार्यक्रम स्रष्टा पब्लिकेसनका अध्यक्ष कवि सुन्दर कुरुपको अध्यक्षतामा सम्पन्न भएको थियो । स्वागत मन्तव्य स्रष्टा पब्लिकेसन कोषाध्यक्ष याम थुलुङले राखेका थिए भने संचालन कवि राजकुमार सुब्बा ‘अनिश्चित’ले गरेका थिए ।
दमकमा स्थापना भएको स्रष्टा पब्लिकेसनले पहिलो प्रकाशनका रूपमा थेगुवाको कृति लोकार्पित गरिएको कोषाध्यक्ष थुलुङ्ले बताए । पब्लिकेशनले चाडै नै अन्य साहित्यकारहरुको कृतिहरु पनि यसरी नै प्रकाशन गर्दै जाने प्रतिबद्धता समेत थुलुङ्ले गरेका छन् ।

 

सम्बन्धित समाचार

दमकमा तीन दिने माेवाइल पत्रकारिता तालिम हुने

दमक,असार ५ । झापाको दमकमा ३ दिने मोबाइल पत्रकारिता तालिम हुने भएको छ । झापा जिल्लाको माइ पश्चिम तथा इलामको माङसेबुङ र चुलाचुली गाउँपालिकको साझा संस्था पत्रकार मञ्च दमकको आयोजनामा दमक ८ स्थित मञ्चको सभाहलमा तालिम...

याक्थुङ मुन्चइत् चोक सयङको अध्यक्षमा सागर केरुङ् निर्वाचितः १३ बुँदे प्रस्ताव सार्वजनिक

ललितपुर, ५ असार । याक्थुङ मुन्चइत् चोक सयङको चौथो राष्ट्रिय महाधिवेशन काठमाडौंस्थित् चुम्लुङहिममा सम्पन्न भएको छ । मंगलबार र बुधबार (आज) दुई दिन संचालन भएको कार्यक्रमले सागर केरुङको अध्यक्षतामा नयाँ कार्यसमिति चयन गर्दै सम्पन्न भएको...

प्रदेश १ पुनः नामाङकन संयुक्त संघर्ष समितिद्वारा ११ बुँदे निर्णय सार्वजनिकः मंसिर २ गते विराटनगरमा विशाल जनप्रदर्शन

ताप्लेजुङ, फुङ्लिङ्, २ असार । प्रदेश नं. १ पुनः नामाङकन संयुक्त संघर्ष समितिले नयाँ चरणको आन्दोलन सुरु गर्ने घोषणा गरेको छ । ताप्लेजुङको फुङलिङ बजार स्थित स्नो लियोपार्ड होटलमा बसेको दुई दिने बैठकको अन्तिम दिन...

प्रदेश १ पुनः नामाङकन संयुक्त संघर्ष समितिको दुई दिने बैठक बस्दैः राजनैतिक मोर्चा गठनबारे छलफल हुने

ताप्लेजुङ, फुङलिङ् १ असार । ताप्लेजुङको फुङ्लिङस्थत बजारमा प्रदेश १ पुनः नामाङकन संयुक्त संघर्ष समितिको दुई दिने भौतिक बैठक आजबाट बस्दैछ । प्रदेश १ को नाम कोशी खारेज गर भन्ने नाराका साथ असार १ र...