ललितपुर, १३ जेठ । आदिवासी जनजाति चलचित्र महासंघको आयोजनामा यहि जेठ २३ गतेदेखि काठमाडौंमा चौथो आदिवासी चलचित्र महोत्सव आयोजना हुने भएको छ ।

आइतबार काठमाडौंमा पत्रकार सम्मेलन गर्दै कोरोनाका कारण २०७६ सालदेखि हुन नसकेको महोत्सव आगामी जेठ २३, २४ र २५ गते तीन दिनआयोजना गर्न लागिएको महासंघले जनाएको हो ।

महोत्सवमा आदिवासी जनजाति मातृभाषी चलचित्र, वृत्तचित्र र छोटा चलचित्र प्रदर्शन गरिने आयोजकले जनाएको छ । महोत्सवमा सहभागिता जनाउने चलचित्रलाई विभिन्न ८ विधामा अवार्ड तथा पुरस्कार प्रदान गर्ने महासंघका अध्यक्ष पुर्खाजित राईले पत्रकार सम्मेलनमा जानकारी दिएको छन् ।

जसअनुसार उत्कृष्ट चलचित्रलाई नगर २० हजार रुपैयाँ, उत्कृष्ट बृत्तचित्रलाई १० हजार र उत्कृष्ट सर्ट फिल्मलाई १० हजार रुपैयाँ नगदसहित प्रमाणपत्र प्रदान गरिने महासंघका अध्यक्ष राईले बताए ।

नेपालको विभिन्न जातीय सांस्कृतिक, परम्परा र प्राकृतिक क्षेत्रको पर्यटन विकास गर्दै मुलुकको अर्थतन्त्रमा ठुलो टेवा पु¥याउने विश्वासका साथ आदिवासी चलचित्र महोत्सवको आयोजना गर्न लागिएको संघले जनाएको छ ।