शिवसताक्षी। झापाको शिवताक्षी १० मा विगत ४ बर्ष देखि शरीरको कम्मरदेखि मुनी नचल्ने भई जीवनमरणको दोसाधमा बाँचिरहेको अमिर हाङगाम लिम्बुलाई हङकङबाट आर्थिक सहयोग प्राप्त भएको छ । हङकङमा लामो समयदेखि बसोबास गर्नुहुने माया राई लिम्बुको पहलबाट संकलित हङकङ डलर २९३० को नेपाली ४० हजार ६२५ रुपैयाँ प्रदान गरिएको हो ।

ताप्लेजुङमा जन्मिएका बिरामी लिम्बुले रोजगारीको शिलशिलामा मलेशियामा ८ बर्ष बसेर घर फर्कने क्रममा विरामी भएपछि अस्पतालमा चेकजाँच गर्दा नसा सुक्ने रोग ट्रान्सफर माइर्लाटिज नामक रोगले शरीरको कम्मरमुनीको कुनै पनि अङ्ग नचल्ने रोग लागेपछि आजभन्दा ४ बर्ष अघि सन् २०१६ मा नेपाल आएको बताए ।

उपचारको क्रममा हालसम्म १५ लाख रुपैयाँ खर्च भइसकेको विरामी लिम्बुले बताए । भएको घर जग्गा समेत सकिएको हुँदा अहिले उपचार गर्ने क्रममा अप्ठारो परेको उनले भने । विराटनगरको विभिन्न अस्पताल र काठमाडौंमा समेत उपचारको क्रममा पुगेका लिम्बुको बेलाबेला घाउँ बल्झिने र रगत बग्ने समस्याले सताउने बताए । नसा पुरै सुकेको हुँदा रोग पूर्णरुपमा निको हुन नसकेपनि फिजियोथेरापी लगायतको उपाचार पाए अलि सहज हुन्छ भन्ने लागेको विरामी लिम्बुले बताए ।

विरामी लिम्बुले हालसम्म सरकारबाट कुनै सहयोग नपाएको गुनासो गरेका छन् । स्थानीय जनप्रतिनिधि मार्फत सहयोगको अपेक्षा राखेका लिम्बुले यो कोरोना महामारीपनि कहिकतैबाट राहात नपाएको बताएका छन् ।

दमकमा विगत १० बर्ष देखि व्यवसाय गरेर बसेका समाजसेवी व्यवसायी भवानी थेगिमको हातबाट सो रकम बुधबार विरामी लिम्बुलाई हस्तान्तरण गरिएको छ ।

भिडियाे तल हेर्नुहाेस्ः