उद्यमी जुनु लावती प्रदेश सरकारद्वारा सम्मानित

 लिम्बुवान न्युज
                       

मिक्लाजुङ, १८ जेठ । पान्थरको मिक्लाजुङ गाउँपालिका वडा नम्बर १ निवासी जुनु कुमारी लावती सम्मानित भएकि छिन् ।

सोमबार प्रदेश सरकार सामाजिक विकास मन्त्रालय प्रदेश नम्बर १ विराटनगरमा सोमबार आयोजित प्रदेश स्तरीय उत्कृष्ट महिला उद्यमी प्रोत्साहन र सम्मान कार्यक्रममा लावती नगद ५० हजार रुपैंयासहित सम्मानित भएकि हुन् ।

लावतीसंगै पाँचथरबाट फिदिम नगरपालिका वडा नम्बर ८ मा संचालित त्रिशक्ति दुग्द तथा ललिपप उद्योगको संचालिका दिकी शेर्पा पनि सम्मानित भएकी छिन् । यसैगरि १४ जिल्लाका २८ उद्यमी महिला सम्मानित भएका छन् ।

मिक्लाजुङ १ मा २०६८ सालदेखि माङ्पाहाङ लावती कृषि उद्योग संचालन गर्दै आएकी लावती कृषि उद्योगमा आवद्ध रहँदै सफल उद्यमीको रुपमा स्थापित भइ अन्य महिलालाई समेत उद्यमी/व्यवसायी बन्न अभिप्रेरित गर्ने सराहनीय काम गरेकोमा सम्मान गरेको मन्त्रालयले जनाएको छ ।

उक्त सम्मान सामाजिक विकास मन्त्री राजन राई सहित राज्यमन्त्री विष्णु तुम्वाहाम्फे, मन्त्रालयका सचिव दिर्घ राज मैनाली लगायत महाशाखा प्रमुख समेतले नगद पुरस्कार र सम्मानपत्र प्रदान गरेका थिए ।

‘महिलाको सम्मान, सभ्य समाजको पहिचान’ भन्ने नाराका साथ सामाजिक विकास मन्त्रालयले प्रदेश भरका सबै जिल्लामा महिलाका नाममा घरेलु कार्यालयमा दर्ता भइ उत्कृष्ठ ढंगले निरन्तर संचालनमा रहेका उद्योगलाई मन्त्रालयले जारी गरेको मापदण्ड पुरा भएको आधारमा हरेक जिल्लाका दुई वटा उद्योगलाई सम्मान गरेको हो ।

सम्बन्धित समाचार

मेची राजमार्ग ठप्पः भोलीदेखि ताप्लेजुङ् बजार अनिश्चितकालीन बन्द

दमक, १२ मंसिर । प्रदेशको नाम कोशी खरेजी र ताप्लेजुङका पक्राउ परेका दुई कार्यकर्ता निसर्त रिहाइको माग राख्दै प्रदेश नं. १ पुन नामाङ्कन संयुक्त संघर्ष समितिले आयोजना गरेको बन्दको कारण मेची राजमार्ग ठप्प रहेको छ...

माङसेबुङ इक्ला सिजन २ का लागि ८ उत्कृष्ट प्रतियाेगी छानिए

दमक, १२ मंसिर । माङसेबुङ इक्ला सिजन २ गायन प्रतियोगितामा उत्कृष्ट ८ मा पर्न सफल प्रतियोगीहरुको नामावली सार्वजनिक गरिएको छ । चार चरणको अनलाइन अडिसन पार गरेर सेमिफाइनल (उत्कृष्ट ८) मा पुग्न सफल प्रतियोगीहरुकोे नाम सार्वजनिक...

जसपा लिम्बुवान राष्ट्रिय समिति अध्यक्षमा जेन्टल लावती सर्वसम्मत चुनिए

पाँचथर, मंसिर १२ । जनता समाजवादी पार्टी नेपाल, लिम्बुवान राष्ट्रिय समिति पुर्नगठन भएको छ । शनिबार पान्थरको फिदिमस्थित आयोजित एक कार्यक्रमले जेन्टल लावतीको अध्यक्षतामा नयाँ समिति गठन भएको हो । नवगठित समितिको उपाध्यक्षहरुमा एविराज आङदेम्बे,...

कोचिला अध्यक्षमा त्रिनारायण राजवंशी : तेह्रथुम अध्यक्षमा दिलबहादुर सोदेम्बा

दमक, १२ मंसिर । नागरिक उन्मुक्ति पार्टी (एकीकृत) कोचिला राष्ट्रिय समितिको प्रथम भेला सम्पन्न भएको छ । शनिबार मोरङ्को रंगेलीस्थित होटल मेरिनाको सभाहलमा भएको प्रथम भेलाले त्रिनायारण राजवंशीको अध्यक्षतामा समिति गठन गरेको हो । पार्टीका...