दमक/जेठ १९/ दमक नगरपालीकाका १० वटै नगर स्वास्थ्य केन्द्रबाट ल्याब सेवा सञ्चालनको तयारी भएको छ । आधारभुत स्वास्थ्य परिक्षणका लागी स्वास्थ्य केन्द्रबाटै नागरिकलाई सेवा प्रदान गर्ने उद्देश्यले ल्याब सञ्चालनको तयारी शुरू गरिएकाे हो ।

ल्याब सेवा सञ्चालनका लागी नगर उपप्रमुख रेगिना भट्टराई प्रसाईंले आज सबै स्वास्थ्य केन्द्रको अनुगमन गरेकी छिन् । अनुगमनका क्रममा कतिपय स्वास्थ्य केन्द्रमा ल्याब सञ्चालनका लागी प्राबिधिक जनशक्तिको आवस्यकता रहेको र कतिपयमा जनशक्ति सहित उपकरण पनि आवस्यक रहेको पाईएको नगर स्वास्थ्य शाखाका अधिकृत नगेन्द्र भट्टराईले जानकारी दिएका छन् ।

अनुगमनका क्रममा उपप्रमुख  भट्टराईले एक साता भित्रै ल्याब सेवा सञ्चालन गर्ने गरि तयारी थाल्न निर्देशन दिएकी छिन् ।
स्वास्थ्य केन्द्रमा ल्याब सेवा सञ्चालन भए पछि सुगर, जण्डीस, युरिन, स्टुल लगायतका परिक्षण गर्नसकिने दमक ३ मा रहेको नगर स्वास्थ्य केन्द्रका प्राबिधिक बिक्रम अधिकारीले बताए । यसबाट प्राथमिक परिक्षण गरी थप परिक्षण गर्नु परेमा दमक अस्पताल रेफर गरिने उनले बताए ।