दमक/दमक नगर स्काउट तदर्थ समितिको संयोजनमा शनिबार दमक नगर प्रमुख, उपप्रमुख सहित बिद्यार्थीरुलाई दिक्षित गरिएको छ । नगर स्काउट संरक्षक नगर प्रमुख र नगर स्काउट प्रमुख उपप्रमुख पदेन रहने व्यवस्था भएकाले दमक नगर प्रमुख राम कुमार थापा र उपप्रमुख रेगिना भट्टराई प्रसाईं सहित नगर भित्रका स्काउट सञ्चालन रहेका बिद्यालयका ५ सय भन्दा धेरै बिद्यार्थीहरुलाई एकै साथ सपथ खुवाएर दिक्षित गरिएको हो ।
दमक नगर स्काउट संरक्षक नगर प्रमुख थापा र नगर स्काउट प्रमुख नगर उपप्रमुख भट्टराईलाई प्रदेश नम्बर १ का स्काउट तदर्थ समिति संयोजक रवि खनालले सपथ गराए ।
यसरी नै दमक नगर स्काउट सदस्य सचिव समेत रहेका नगरका शिक्षा अधिकृत दिनेश न्यौपानेलाई नगर स्काउट प्रमुख भट्टराईले सपथ गराइन भने दिक्षित बिद्यार्थीहरुलाई स्काउटकी राष्ट्रिय प्रशिक्षक सकुन्तला सुब्बाले सपथ गराएकी नेपाल स्काउट एक नम्बर प्रदेश समिति सदस्य राम पौडेलले जानकारी दिए ।
अनुशासित, स्वावलम्बी, नैतिकवान बालबालिका निर्माणका निमित्त एक विद्यालय एक स्काउट दलको नीति कार्यान्वयनका लागि दमक नगरका सबै बिद्यालयहरुमा स्काउट कार्यक्रम सञ्चालनको पहल भइरहेको स्काउट दमक नगर तदर्थ समिति संयोजक ओम आचार्यले जानकारी दिए ।