भुटानी शरणार्थी मानवअधिकारवादी नेता डा. भम्पा राईको निधन

 लिम्बुवान न्युज
                       


दमक, ५ जेठ । भुटानी शरणार्थी मानवअधिकारवादी नेता डा.भम्पा राईको निधन भएको छ । ७५ वर्षीय डा. राईको आज बिहान दुई बजेर ४० मिनेटमा विराटनगरस्थित नोबेल अस्पतालमा उपचारका क्रममा निधन भएको हो ।
लामो समय देखि पेट सम्बन्धी गम्भीर रोगबाट ग्रसित डा. राईको पाँच दिन अघि दमक लाइफलाइन अस्पतालमा हर्नियाको शल्यक्रिया गरेका थिए ।
शनिबार दिउँसो ३ बजेतिर मुटुको चाल कम भएपछि तत्काल दमकस्थित लाइफलाइन अस्पताल भर्ना गरिए पनि चिकित्सकहरुले त्यहाँबाट विराटनगर रिफर गरिएको थियो । उपचारकै क्रममा उनको बिहान निधन भएको राईकी भाञ्जी गौरी राईले पुष्टि गरिन् । उनलाई दमकका अर्का डा. बेदनिधी खतिवडाले शनिबार मध्यान्हमा विराटनगर नोवल अस्पताल पुराएका थिए ।
तीस वर्षदेखि भुटानी शरणार्थीको स्वदेश फिर्ती आन्दोलनको नेतृत्व गर्दै आएका डा. राई हाल दमकमा एक्लै बस्दै आएका थिए । दुई वर्षअघि पत्नी उर्मिलाको निधन भएपछि उनी दमकस्थित डेरामा एक्लै बस्दै आएका थिए ।
राईको पार्थिव शरीरको आइतबार नै किरात धर्मसंस्कारअनुसार झापाको कमल पाडाजुँगीस्थित रतुवामाई वृक्षारोपणको किरातसमाधी स्थलमा अत्येष्टि गरिने जनाइएको छ ।
२९ बर्ष दमक ८स्थित खगेन्द्र गुरागाईको घरमा डेरा बस्दै आएका डा. राईलाई हाल दमक नगरपालिकाले निःशुल्क व्यवस्था गरको आवास दमक ५स्थित खेम भण्डारीको घरको भुईतलाको किचन सहितको फ्ल्याटमा बस्दै आएका थिए ।

सम्बन्धित समाचार

भीषण र छाेरी अभियन्ताकाे स्वरमा ‘ए छाेरी, ए बाबा’ सार्वजनिक

चर्चित गायक तथा संगीतकार भीषण मुकारुङ र उनकी छोरी अभियन्ता मुकारुङको स्वरमा ‘ए छोरी, ए बाबा’ बोलको गीत सार्वजनिक भएको छ । दुई दशकभन्दा लामो समयदेखि गायनमा सक्रिय भीषणकी छोरी अभियन्ताले पहिलोपटक गीत रेकर्ड गराएकी...

माङसेबुङमा पत्रकारितामा फिचर लेखन तालिम सम्पन्न

दमक, १६ असार । इलामको माङसेबुङमा गत आइतबारदेखि जारी ‘पत्रकारितामा फिचर लेखन तालिम’ बुधबार सम्पन्न भएको छ । फोनिज संघीय समितिका उपाध्यक्ष कमन देवान र स्थानीय अग्रज सञ्चारकर्मी अवोध अविरलले सहजीकरण गरेको तालिममा आधारभूत समाचार...

माङसेबुङ गाउँपालिकाले कृषि प्रोत्साहन कार्यक्रम ल्याउँदै

लिम्बुवानखबर, १५ असार । इलामको माङसेबुङ गाउँपालिकाले कृषि प्रोत्साहन कार्यक्रम ल्याएको छ । आगामी आर्थिक वर्ष २०७९/८० को निति तथा कार्यक्रममा माङसेबुङ गाउँपालिकाका कृषकहरुका लागि प्रोत्साहन कार्यक्रम ल्याएको हो । निति तथा कार्यक्रममा कृषकलाई प्रोत्साहनका...

आज धान दिवसः देशभर विभिन्न कार्यक्रम गरी मनाइदै

फाइल तस्वीर लिम्बुवानखबर । आज १९औं राष्ट्रिय धान दिवस देश भर विविध कार्यक्रम गरी मनाइँदै छ । यो बर्ष ‘धान रोपौं, खाद्यान्नमा आत्मनिर्भर बनौं’ नाराका साथ राष्ट्रिय धान दिवस मनाउन लागिएको हो । यस दिवसको...