दमकमा पहिलो पटक रोजगार मेला हुँदै 

 लिम्बुवान न्युज
                       


दमक/ दमकमा पहिलो पटक रोजगार मेला हुदैछ । यहि बिहिबार आयोजना हुन लागेको रोजगार मेलाको तयारी पूरा भएको छ ।
रोजगारको अवसर सम्बन्धी सर्वसाधारणलाई सचेतना दिने उद्देश्यले एक दिने मेलाको सम्पूर्ण तयारी पूरा भएको आयोजक दमक उद्योग वाणिज्य संघले जनाएको छ ।
दमक नगरपालिकाको सहयोग तथा संघ अन्तर्गतको मेला,महोत्सव उपसमितिले मंगलवार पत्रकार सम्मेलन गरि रोजगार मेलाको तयारी पूरा भएको रोजगार मेला मूल आयोजक समितिका संयोजक भरत चम्लागाईले बताएका छन् ।
दमक ८ स्थित कस्मिक पार्टी प्यालेसमा हुने मेलामा रोजगार दाता तथा विभिन्न उद्योग ,प्रतिष्ठानका उद्यमीहरुको सहभागिता रहने छन् । उनका अनुसार रोजगार मेलामा विभिन्न रोजगारीको सन्दर्भमा अन्तरकृया समेत गरिने छ ।
दमकमा यस किसिमको रोजगार सम्बन्धी मेला पहिलोपटक आयोजना हुदैं छ । यसैवीच, रोजगार मेला सफलतापूर्वक सम्पन्न गर्न सघाउँ पुरयाउँन संघले एक दर्जन विभिन्न आवश्यक उपसमितिहरु गठन गरिएको छ ।
पत्रकार सम्मेलनमा संघका अध्यक्ष गोकुल श्रेष्ठ लगायत मेलाका बारे जानकारी दिएका थिए । रोजगार मेला भव्यताका रुपमा सम्पन्न गर्न जसअन्तर्गत चम्लागाईको संयोजकत्वमा पाँच सदस्यीय सचिवालय उपसमिति गठन गरिएको छ । बैठकले मिन मगरको संयोजकत्वमा साउण्डसेट तथा स्टेज व्यवस्थापन उपसमिति, रमा लिम्बूको संयोजकत्वमा उद्घाटन तथा समापन समारोह व्यवस्थापन, गोपाल गुरागाईको संयोजकत्वमा अतिथि सत्कार, मोहन ढकालको संयोजकत्वमा खाजा व्यवस्थापन, प्रकाश अधिकारीको संयोजकत्वमा अन्तरक्रिया, जीवन चुडाँलको संयोजकत्वमा सञ्चार व्यस्थापन र नगरपालिकाका नगर प्रमुखको संरक्षकत्वमा अनुगमन तथा निर्देशन उपसमिति समेत गठन गरिएको जनाइएको छ ।
नेपाल उद्योग वाणिज्य महासंघका पूर्व अध्यक्ष तथा सार्क चेम्बर अप कमर्शका उपाध्यक्ष चण्डिराज ढकालको प्रमुख आतिथ्यतामा हुने रोजगार मेलामा उद्योग संगठन मोरङका उपाध्यक्ष भोलेश्वर दुलाल लगायतका उद्योग,व्यवसायीका नेताहरु ,विभिन्न रोजगारदाताका प्रतिनिधिहरुको उपस्थिति रहने जनाइएको छ ।

सम्बन्धित समाचार

दमकमा चासाेक तङ्नाम भव्य रूपले सम्पन्न

दमक, २२ मंसिर/ किरात याक्थुङ लिम्बूहरुको महान चाड चासोत् तङ्नाम ५०८४ को अवसरमा विभिन्न कार्यक्रम सहित आज सम्पन्न भएको छ । विहिवार झापाको दमक ७ स्थित किरात भवनमा किरात याक्थुङ् चुम्लुङ् दमक नगर समितिको आयोजनामा चासोत...

किरातीहरुले उधौली पर्व मनाउँदै

दमक, २२ मंसिर । किरात जातीहरुले आज देखि उधौली पर्व मनाउँन शुरु गर्दैछन् । राई, लिम्बु, याक्खा र सुनुवार चार जातिहरुले यो पर्वलाई विशेष पर्वको रुपमा मनाउने गर्दछन् । नेपाल सरकारले आजको दिन राष्ट्रिय चार्डको...

आयोगले गरयो प्रतिनिधिसभा र प्रदेशसभा समानुपातिक तर्फ दलहरुले पाएको सिट निर्धारण

काठमाडौं, २१ मंसिर । निर्वाचन आयोगले प्रतिनिधि सभा र प्रदेश सभाको समानुपातिकतर्फ दलहरुले पाएको सिट निर्धारण गरेको छ । निर्वाचन आयोगका अनुसार प्रतिनिधि सभामा एमालेले सबभन्दा धेरै ३४ सिट पाएको छ । कांग्रेसले ३२, माओवादी...

कतार विश्वकप २०२२ को क्वाटरफाइनलमा पुगे यि ८ टोली

काठमाडौं, २१ मंसिर । एसियाली राष्ट्र कतारमा जारी २२औं संस्करणको फिफा विश्वकप फुटबल प्रतियोगिता २०२२ को क्वार्टरफाइनलमा पुग्ने ८ टोलीको टुंगो लागेको छ । गएराति पोर्चुगल र स्विट्जरल्याण्डको खेल सकिएसँगै अन्तिम ८ मा पुग्ने टोलीको...