मिक्लाजुङ, १२ असार । पाँचथर मिक्लाजुङ गाउँपालिकाको केन्द्र रबि बजारबाट दमक तर्फ जार्दै गरेको बलेरो दुर्घटना हुँदा ३ जनाको मुत्यु भएको प्रहरीले जनाएको छ ।

आइतबार दिउँसो ईलामको माङसेबुङ २ दहगाँउस्थित भित्री सडक खण्डमा बलेरो दुर्घटना भएको हो ।

दुर्घटनाबाट मृत्यु हुनेमा पाँचथर मिक्लाजुङ गाँउपालिका ५ का ६५ बर्षीय हिम प्रसाद लावती, ६० बर्षीया पदम कुमारी लावती र ईलाम माङसेबुङ गाँउपालिका ६ का ५० बर्षीय प्रकाश राई रहेका छन् ।

मध्यान्ह १२ बजे पाँचथरको रबिबाट झापाको दमक तर्फ जादै गरेको मे १ ज ४८७ नं. को बलेरो गाडी सडकबाट २०० मिटर तल झरी दुर्घटना भएको एक नम्बर प्रदेश प्रहरी कार्यालय विराटनगरले जनाएको छ । दुर्घटनामा परी हिम प्रसाद र प्रकाशको घटनास्थलमानै मृत्यु भएको थियो भने पदम कुमारीको उपचारको लागी दमक अस्पताल लादै गर्दा बाटैमा मृत्यु भएको प्रहरीले जानकारी दिएको छ ।

बलेरो चालक फरार रहेकाले खोजी कार्य तिब्र पारि घटनाबारे थप अनुसन्धान भईरहेको प्रहरीले जनाएको छ ।