दमक, १६ असार । इलामको माङसेबुङमा गत आइतबारदेखि जारी ‘पत्रकारितामा फिचर लेखन तालिम’ बुधबार सम्पन्न भएको छ ।
फोनिज संघीय समितिका उपाध्यक्ष कमन देवान र स्थानीय अग्रज सञ्चारकर्मी अवोध अविरलले सहजीकरण गरेको तालिममा आधारभूत समाचार लखेनको प्रयोगात्मक अभ्याससहित फिचर लेखन बारे सैद्धान्तिक ज्ञान दिने र प्रयोगात्मक अभ्यास गराइएको थियो ।

माङसेबुङका ६ वटै वडाबाट सहभागी डाकिए पनि निरन्तर वर्षाका कारण यातायातका साधन चल्न नसक्दा वडा नम्बर ३ र ५ का मात्रै तालिममा सहभागी थिए । जसमा ५ महिलासहित १२ जनाको सहभागिता रहेको थियो ।

माङसेबुङ पब्लिकेसन्स एण्ड मिडिया प्रा.लि.को आयोजना र माङसेबुङ गाउँपालिकाको आर्थिक सहयोगमा तालिम सञ्चालन भएको हो ।
किरात साम्यो माङसेवासावा मुजोत्लुङ पान्जुम्भोका अध्यक्ष बलराम खजुमले दीप प्रज्वलन गरी तालिमको समापन कार्यक्रमलाई औपचािरकता दिएका थिए । कार्यक्रममा किरात चोत्लुङ मुहिङगुम अङसीमाङगेन्ना सेवा समितिका केन्द्रीय उपाध्यक्ष होम लिङदेन, किरात धर्म तथा साहित्य उत्थान संघका केन्द्रीय उपाध्यक्ष दूधबहादुर लावती, प्रशिक्षक देवान र प्रशिक्षार्थीको तर्फबाट योगेश लावतीले बोलेका थिए ।

कार्यक्रममा किरात साम्यो माङसेवासावा मुजोत्लुङ पान्जुम्भोका अध्यक्ष बलराम खजुम, किरात साम्यो नालीफूङवा मुजोत्लुङ पान्जुम्भोका कोषाध्यक्ष खगेन याक्खा, फाल्गुनन्द बोर्डिङ स्कूलका प्रिन्सिपल जलन आङबुहाङ, किरात साम्जिक मुन्धुम युक्सिङ निसामहिमका व्यावस्थापन समिति अध्यक्ष मदन इङनाम लगायको उपस्थिति रहेको थियो ।

पब्लिकेशनबाट प्रकाशित माङसेबुङ मासिकका कार्यकारी सम्पादक केदेमको अध्यक्षतामा सम्पन्न तालिम समापन कार्यक्रममा सह सम्पादक काकीराम लावतीको सञ्चालन रहेको थियो भने स्वागत माङसेबुङ मासिकका फोटो पत्रकार प्रवीण सेलिङले गरेका थिए ।