ठेकेदारको लापरवाहीले रतुवामा जिप बगाउँदा २ को मृत्यु

 लिम्बुवान न्युज
                       


दमक, २३ जेठ । दमक–चिसापानी–रवि (फाल्गुनन्द) सडक निर्माण भईरहेको अवस्थामा बाटो अवरोध भई रतुवा खोलाबाटा तार्ने क्रममा चुलाचुली ५स्थित रतुवा खोलामा अचानक आएको बाढीले जिप बगाउँदा २ जनाको मृत्यु भएको छ ।

झापाको दमक देखि इलामको माङसेबुङका लागि छुटेको लु १ च ९४९१ नम्बरको बुलेरो सोमबार साँझ करिब छ बजे खोलाले बगाएको हो ।

दमक–चिसापानी–रवि सडक खण्ड अन्तर्गत सडक खण्ड समयमै निर्माण सम्पन्न हुन नसक्दा इलामको माङसेवुङ–५ कि सर्मिला फागो र माङसेवुङ–३ की निरु लिम्बूका तीन वर्षीय छोरा नियन नेम्वाङको मृत्यु भएको छ जिल्ला प्रहरी कार्यालय इलामले जनाएको छ ।

घाइते निरुको भने उद्वार गरी उपचारार्थ दमकको लाइफलाईन अस्पतालमा भर्ना गरिएको थियो । बर्षौ देखि सो सडकखण्ड निर्माणमा निर्माण ठेकेदारको लापरवाहीको कारण बर्षा समयमा रतुवाले दुःख दिईरहेको त्यहाँका स्थानीय वासीहरुको गुनासो रहेको छ ।

बुलेरोमा सवारमध्ये ३ जना खोलाबाट पौडेर बाहिर निस्केका थिए भने चालक हालसम्म पनि सम्पर्क बाहिर रहेको जनाइएको छ ।

बारबार म्याद थप गरिएका उक्त सडकका ठेकेदारलाइ यस अा.ब.मा पनि ठेक्का सम्पन्न नगरे कालाे सूचीमा राखेर कारवाही गरिने दमक सडक डिभिजनले जनाएकाे छ ।

सम्बन्धित समाचार

दमकमा तीन दिने माेवाइल पत्रकारिता तालिम हुने

दमक,असार ५ । झापाको दमकमा ३ दिने मोबाइल पत्रकारिता तालिम हुने भएको छ । झापा जिल्लाको माइ पश्चिम तथा इलामको माङसेबुङ र चुलाचुली गाउँपालिकको साझा संस्था पत्रकार मञ्च दमकको आयोजनामा दमक ८ स्थित मञ्चको सभाहलमा तालिम...

याक्थुङ मुन्चइत् चोक सयङको अध्यक्षमा सागर केरुङ् निर्वाचितः १३ बुँदे प्रस्ताव सार्वजनिक

ललितपुर, ५ असार । याक्थुङ मुन्चइत् चोक सयङको चौथो राष्ट्रिय महाधिवेशन काठमाडौंस्थित् चुम्लुङहिममा सम्पन्न भएको छ । मंगलबार र बुधबार (आज) दुई दिन संचालन भएको कार्यक्रमले सागर केरुङको अध्यक्षतामा नयाँ कार्यसमिति चयन गर्दै सम्पन्न भएको...

प्रदेश १ पुनः नामाङकन संयुक्त संघर्ष समितिद्वारा ११ बुँदे निर्णय सार्वजनिकः मंसिर २ गते विराटनगरमा विशाल जनप्रदर्शन

ताप्लेजुङ, फुङ्लिङ्, २ असार । प्रदेश नं. १ पुनः नामाङकन संयुक्त संघर्ष समितिले नयाँ चरणको आन्दोलन सुरु गर्ने घोषणा गरेको छ । ताप्लेजुङको फुङलिङ बजार स्थित स्नो लियोपार्ड होटलमा बसेको दुई दिने बैठकको अन्तिम दिन...

प्रदेश १ पुनः नामाङकन संयुक्त संघर्ष समितिको दुई दिने बैठक बस्दैः राजनैतिक मोर्चा गठनबारे छलफल हुने

ताप्लेजुङ, फुङलिङ् १ असार । ताप्लेजुङको फुङ्लिङस्थत बजारमा प्रदेश १ पुनः नामाङकन संयुक्त संघर्ष समितिको दुई दिने भौतिक बैठक आजबाट बस्दैछ । प्रदेश १ को नाम कोशी खारेज गर भन्ने नाराका साथ असार १ र...