आजबाट चौथो आदिवासी चलचित्र महोत्सव शुरुः लिम्बु भाषाबाट चलचित्र ‘सुुगुप’ प्रदर्शन हुने

 लिम्बुवान न्युज
                       


ललितपुर, २३ जेठ । चौथो आदिवासी चलचित्र महोत्सव बुधबार (आज)बाट शुरु हुँदैछ । आदिवासी जनजाति चलचित्र महासंघको आयोजनामा प्रदर्शनीमार्गस्थित राष्ट्रिय सभागृह भृकुटी मण्डवमा महोत्सव शुरु हुन लागेको हो ।
दिउँसो २ बजे कार्यक्रमको उद्घाटनसँगै महोत्सव शुरु हुने महासंघका अध्यक्ष पुर्खाजित राईले जनाएका छन् । महोत्सवमा नेपालका लिम्बू(याक्थुङ्), तामाङ, गुरुङ र मगरलगायत भाषाका चलचित्रका साथै अन्य देशका आदिवासीका आदिवासीहरुको चलचित्र तथा वृत्तचित्र समेत पनि प्रदर्शन हुने महासंघका अध्यक्ष राईले जानकारी दिएका छन् ।
चार दिनसम्म चल्ने उक्त महोत्सवमा उत्कृष्ट चलचित्र, वृत्तचित्र र लघु फिल्मलाई पुरस्कृत समेत गरिने अध्यक्ष राईले बताए ।

लिम्बु भाषाबाट छनौट भएको चलचित्र ‘सुगुप’ प्रदर्शन हुने

आजबाट शुरु भएको आदिवासी चलचित्र महोत्सवमा लिम्बु कथामा आधारित लिम्बु चलचित्र सुगुप प्रदर्शन हुने चलचित्रका निर्देशक लोकेन सावाँले बताए ।
भोलि जेठ २४ गते विहीबार विहान ११ः४५ बजेबाट उक्त चलचित्रको प्रिमियर शो हुने उनले बताए । उनले कार्यक्रममा सहभागी हुन समेत आव्हान गरेका छन् ।
लिम्बू जातिमा प्रसव पिडा अथवा सुत्केरी ब्याथाको कारण ज्युँदो या मृत बच्चा जन्माउँदै गर्दा अथवा सुत्केरी कै कारण रगत बगेर मृत्यु हुने महिलालाई सुगुप भएको भन्ने चलन छ । सुगुप भएर मृत्युवरण गरेकी महिलालाई गरिने मृत्युु संस्कार सामान्य मृत्युमा गरिने संस्कारभन्दा अलग हुन्छ सुगुप भएको महिलाको मृत्यु संस्कार गर्न येबा (बिजुवा) हरुको महत्वपूर्ण भूमिका रहन्छ ।
उक्त चलचित्रमा कलाकारहरु प्रेम सुब्बा, यासेली योङहाङ, मौसम ईम्बुङ लिम्बू, (फेलेन्देको बाउ), बबीता नेयोङहाङ, सुम्नीमा खापुङ, डम्बरकुमारी, पयाङगो मेन्याङबो, योमन सोदेम्बा, सागर केरुङ, रुकमा लिम्बू, निता लिम्बू, पन्ना आङबो, एम के योङहाङ, तीर्थ मादेम्बा, उदय बेघा, लिला सेत्लिङ माबो, ईन्द्रा पंधाक, युवराज ईश्बो, थानाहाङ तिगेला सैलेन्द कुमार नाल्बो रबिन इन्द्र सेर्पा लगायतको अभिनय रहेको छ ।
यासेली योङहाङ, जानु काम्बाङ, सागर केरुङ र रिता फोम्बो ठुलिको शब्द रहेको उक्त चलचित्रको संगीत संगीतः अशोक लोहरुङ राईको रहेको छ ।
राजेश पायल राई, अञ्जु पन्त, सुनिता थेगिम, रुकमान लिम्बु, मनु नेम्वाङ र सुमन लिम्बु लगायत गायकगायिकाहरुको स्वर रहेको उक्त चलचित्रको पटकथा देवेन्द्र खापुङ त्यसैगरी छायाङ्कनः युवराज राई (वीरबहादुर)ले गरेका छन् ।
भारतको आसाम, नेपालको ताप्लेजुङ नाल्बू र साँबा याङ्वरक पाँचथर, तेह्रथुम, काठमाडौं, मकवानपुरको कुलेखानीको पर्यटकीय स्थलहरुमा छायाङ्कन गरिएको चलचित्रको कथा÷निर्मातासमेत निर्देशक साँबाकै गरेको छ ।

सम्बन्धित समाचार

दमकमा तीन दिने माेवाइल पत्रकारिता तालिम हुने

दमक,असार ५ । झापाको दमकमा ३ दिने मोबाइल पत्रकारिता तालिम हुने भएको छ । झापा जिल्लाको माइ पश्चिम तथा इलामको माङसेबुङ र चुलाचुली गाउँपालिकको साझा संस्था पत्रकार मञ्च दमकको आयोजनामा दमक ८ स्थित मञ्चको सभाहलमा तालिम...

याक्थुङ मुन्चइत् चोक सयङको अध्यक्षमा सागर केरुङ् निर्वाचितः १३ बुँदे प्रस्ताव सार्वजनिक

ललितपुर, ५ असार । याक्थुङ मुन्चइत् चोक सयङको चौथो राष्ट्रिय महाधिवेशन काठमाडौंस्थित् चुम्लुङहिममा सम्पन्न भएको छ । मंगलबार र बुधबार (आज) दुई दिन संचालन भएको कार्यक्रमले सागर केरुङको अध्यक्षतामा नयाँ कार्यसमिति चयन गर्दै सम्पन्न भएको...

प्रदेश १ पुनः नामाङकन संयुक्त संघर्ष समितिद्वारा ११ बुँदे निर्णय सार्वजनिकः मंसिर २ गते विराटनगरमा विशाल जनप्रदर्शन

ताप्लेजुङ, फुङ्लिङ्, २ असार । प्रदेश नं. १ पुनः नामाङकन संयुक्त संघर्ष समितिले नयाँ चरणको आन्दोलन सुरु गर्ने घोषणा गरेको छ । ताप्लेजुङको फुङलिङ बजार स्थित स्नो लियोपार्ड होटलमा बसेको दुई दिने बैठकको अन्तिम दिन...

प्रदेश १ पुनः नामाङकन संयुक्त संघर्ष समितिको दुई दिने बैठक बस्दैः राजनैतिक मोर्चा गठनबारे छलफल हुने

ताप्लेजुङ, फुङलिङ् १ असार । ताप्लेजुङको फुङ्लिङस्थत बजारमा प्रदेश १ पुनः नामाङकन संयुक्त संघर्ष समितिको दुई दिने भौतिक बैठक आजबाट बस्दैछ । प्रदेश १ को नाम कोशी खारेज गर भन्ने नाराका साथ असार १ र...