दमक, २७ जेठ।  पदम सुन्दर लावती प्रतिष्ठानले आईतबार राहत वितरण गरेको छ । पुर्वमन्त्री तथा विकासवादी नेता पदम सुन्दर लावतीको ९औं स्मृति दिवसको अवसर पारेर राहत वितरण गरीएको हो ।

प्रतिष्ठानले फिदिम २ ओदिनमा रहेको आदर्श आधारभूत आवासीय विद्यालयलाई एक कार्यक्रमका बिच राहत सामाग्री वितरण गरेको हो ।विद्यालयलाई नगद १५ हजार पाँचसय रुपैया बराबरको चामल, दाल, तेल, साबुन लगायतको खाद्य सामाग्री वितरण गरिएको प्रतिष्ठानका अध्यक्ष विजयबोध लावतीले बताए ।

वितरण कार्यक्रममा पदम सुन्दर लावती प्रतिष्ठानका संरक्षक सल्लाहकार तथा पदम् सुदर लावतीका छोरा सगुन सून्दर लावती, समाजसेवी होम लावती लगायतले विद्यालयलाई राहत वितरण गरेका थिए ।

पाँचथर जिल्लाका विभिन्न क्षेत्रबाट निम्न परिवार भएका करिब २० बालबालिकाहरूलाई यस विद्यालयले आवासीय शिक्षा दिईरहेको पत्रकार समेत रहेका स्थानीय नारायण तुम्बापोले जानकारी दिएका छन् ।