पोक्लाबाङ साँस्कृतिक सङ्ग्रालय भवन निर्माणकाे जग खन्ने काम सुरु

 लिम्बुवान न्युज
                       

विष्णुकुमार लिम्बु (सेसेहाङ)

फुङलिड्, १३ असार । तेह्रथुम जिल्लाको फेदाप गाउपालिका वाड नं. १ मा पोक्लाबाङ साँस्कृतिक सङ्ग्रालय भबन निर्माणको काम सुचारु भएको छ । पहिलो चरणमा फाउन्डेसन जग खन्ने काम भइरहेको छ ।

काठमाडौको मारुती बिल्डर्स कम्पनीले ठेक्का पारी काम सुरुवात गरेको हो । पोक्लाबाङ यक माङ्गेन्ना लुङधुङ थामरुङ फेदाप अन्तर्गत बन्न लागेको संग्रहालयको शहरी बिकास मन्त्रालयबाट बहुबर्से बजेट विनियोजन भएको थियो ।

पोक्लाबाङ यक एक ऐतिहासिक तथा प्राचीन लिम्बुवानको राजधानी हो । यस यकलाई हाल १८ थरी आङबुङ, कुरुम्बाङ, सिंगक, निङ्लेकु/खु, पंयाङगु, सम्बाहाङफे, हुक्पाचोङबाङ, लुम्फुङवा, हुक्पा मादेम्बा, तुम्बाहाङफे, पंधाक, खापुङ, पाहिम, हाङस्रोङ, तेयुङ, पंगेनहाङ, चेलिफुङ, मुसाहाङ लगायतले आफ्नो माङगेन्ना यक समेत मान्ने गरेका छन् ।

पुर्व लिम्बुवान क्षेत्रकै ठुलो संग्रहालयको रूपमा बन्न लागेको यस संग्रहालयमा ऐतिहासिक तथा पुराना सामाङग्रीहरुको संकलन गर्ने, साँस्कृतिक रूपमा रहेका पुराना गर गहनाहरु संरक्षण गरेर राख्ने, पुराना ऐतिहासिक कागजातहरु संकलन गरेर सुरक्षित गर्ने, लिम्बुवान र गोर्खा युद्धकालिन हात हतियारहरुको संकलन गर्ने उदेश्यले उक्त संग्राहलय बन्न लागेको पोक्लाबाङ यक माङगेन्ना लुङधुङ थामरुङ फेदाप समितीका महासचिव टेकबहादुर खापुङले बताउनु भयो ।

शहरी बिकास मन्त्रालयबाट आर्थिक बर्ष २०८०/०८१ को योजनाबाट रु ४ करोड बजेटको २४ प्रतिशत बिलोमा काठमाण्डौमा रहेको मारुती बिल्डर्सले ठेक्का पारी सम्झौता गरेको छ । १५ महिनाको कन्ट्र्याकमा यस संग्रहालयको निर्माण ९ महिनामा सम्पन्न गर्ने ठेकेदार सुवास मगरले बताएका छन । छ धुरे घर मुनी हल र माथिबाट संग्राहलय जहाँ याक्थुङ जाती लगायतकाे विभिन्न भेषभुषा, भाषा, संस्कृति झल्कीने सामाग्रीहरु राखिने समितीले जानकारी दिएको छ ।

सम्बन्धित समाचार

प्रधानमन्त्री केपी ओली सहित नवनियुक्त मन्त्रीहरुले गरे पदभार ग्रहण

दमक, ३१ असार । नवनियुक्त मन्त्रीहरूले पदभार ग्रहण गरेका छन् । शितल निवासमा राष्ट्रपति समक्ष पद तथा गोपनीयताको शपथ लिएसँगै उनीहरूले आ–आफूले पाएका मन्त्रालयको जिम्मेवारी सम्हालेका हुन् । प्रधानमन्त्री केपी शर्मा ओलीले २२ सदस्यीय मन्त्रिपरिषद्...

प्रधानमन्त्री पुष्पकमल दाहाल प्रचण्ड पदमुक्त

ललितपुर, २८ असार । प्रधानमन्त्री पुष्पकमल दाहाल प्रचण्ड पदमुक्त भएका छन् । आज (शुक्रबार) प्रतिनिधिसभाले विश्वासको मत लिने प्रस्ताव बहुमतले अस्वीकृत गरेसँगै प्रधानमन्त्री प्रचण्ड पदमुक्त भएका हुन् । नेकपा एमालेले प्रचण्डलाई दिएको समर्थन फिर्ता लिएपछि...

ब्रविमले ल्याए सिसेक्पा तङनाम (भिडियाे सहित)

दमक, २८ असार । मुन्धुमी गायक ब्रविम सेर्माले आफ्नाे आवाजमा मुन्धुम साम्लो ‘सिसेक्पा तङनाम’ सार्वजनिक गरेका छन् । गितकार नेम खापुङको शव्द तथा लय संकलनमा मुन्धुम साम्लो ‘सिसेक्पा तङनाम’ को भिडियो आफ्नै युट्युव च्यानलबाट सार्वजनिक...

यूकेमा राष्ट्रिय पहिचान परिषद गठन

ललितपुर, २७ असार । बेलाय यूकेमा बसोबास गर्दै लामो समय लिम्बुवान र पहिचानको लागि सहकार्य गर्दै आएका यूकेबासीहरुले राष्ट्रिय पहिचान परिषद प्रवास समिति यूके गठन गरेका छन् । संघीय लोकतान्त्रिक राष्ट्रिय मञ्च र मञ्चको प्रवास...