निमार्णाधिन भवनको छतढलाईको टेको झिकेकोमा स्थानीय आन्दोलित

 लिम्बुवान न्युज
                       

कन्काई, ५ साउन। झापाको कनकाई नगरपालिका ७ मा निमार्णाधिन दुर्गापुर सामुदायिक तथा व्यावसायिक भवन निर्माण कार्यमा ठेकेदार कम्पनीले लापर्वाही गरेको छ । जेभी एण्ड सन्स कम्पनीले निर्माणमा लापवाही गर्दै भवनको ढलान भएको १० दिनभित्रै सेटिङकाे टेको हटाएपछि स्थानीय आन्दोलन बनेका हुन् ।

स्थानीय उपभोक्ताहरुले उक्त भवन जुनसुक्कै वेलापनि ढलेर ठुलो जनधनको क्षति हुनसक्ने भन्दै चिन्ता व्यक्त गरेका छन् । ठेकेदार कम्पनीले समय नपुगि धमाधम ढलानको बाँसको टेका झिक्न थालेपछि स्थानीय युवाको अवरोध पछि ठेकेदार कम्पनीले बाँकी कोठाको भने ढलानको टेको नझिकेको स्थानीय युवा राजु अधिकारीले बताए । १६ कोठे उक्त भवनको २ वटा कोठाको भने ठेकेदार कम्पनीले १० दिनमै टेको झिकेर भवन कमशल बनाइदिएको स्थानीय युवा राजा आङथुपोले बताए ।

ठेकेदार कम्पनीले उक्त भवन निर्माणका लागि ५१ लाखमा ठेक्का पारेको आङथुपोले बताए । यसबारे ठेकेदार कम्पनीका प्रोपाइटर विवेक जबेगुसँग सम्पर्क राख्दा ओपिसि सिमेन्टले ढलान गरेको जुनसुक्कै भवन ७ देखि १० दिनमा टेको हटाउन मिल्ने बताए । स्थानीयको गुनासो आएपछि झिकेको बाँसमा समेत थप मजवुद फलामकै टेको पनि हालिदिएको छु ठेकेदारले भने । उनले आफुहरुलाई थप कामका लागि मजदुर राख्न नपाएकोले एउटा कोठाको मात्रै सटिङ १३ दिनमा हटाएको बताए ।

स्थानीय प्रेम सागर उप्रेती भने ठेकेदारले मान्छे राख्न पाएन भन्दैमा करौडौ रुपैँयामा बन्दैगरेको सार्वजनिक भवनको गुणस्तर बिर्गान नपाउने बताउँछन् । यद्यपी यसबारे कनकाई नगरपालिकाका इन्जिनियर कुशल हुमगाईसँग यस वारेमा जिज्ञासा राख्दा नियम अनुसार २१ दिनपछि मात्रै भवन ढलानको सटिङ झिक्न मिल्ने बताउँछन् ।

यता स्थानीय राजु अधिकारी भने आफुहरु स्थानीय सबै युवा मिलेर होहल्ला गरेपछि मात्रै ठेकेदारले बाकी कोठाको सटिङ नझिकेको बताएका छन ।
कनकाईकै पुरानो बजार मानिने दुर्गापुर बजारमा कनकाई नगरपालिकाको लगानीमा बन्न लागेको व्यावसायिक भवन प्रतिकोठा ३५ सय रुपैँयामा डेढ लाख देखि २ लाख सम्म धरौटी बुझाएर निर्माण नसकिदै भाडामा लागिसकेको स्थानीयको भनाई छ ।

मजदुरले ज्याला पाएनन्

उक्त भवन निर्माणमा खटिएका स्थानीय २ जना मजदुरले आफुहरुले २२ दिनको ज्याला नपाएको बताएका छन् । स्थानीय विवेक भुजेल र प्रकाश खनालले विहान देखि राती ६ बजेसम्म काम गरेको २२ दिनको हाजिरा आजसम्म नपाएको बताए । पुरानो ठेकेदारले काम छाडेर जाँदा नयाँले दिन्छु दिन्छु भनेर हालसम्म आलटाल गरिरहेको उनीहरुले दुखेसो पोखे । ईटा बोकेको पैसा पनि दिएनन् दिन्छु भनेका छन् अब हेरौ कहिले दिनेहुन बर्षदिन भइसक्यो दिएका छैनन भुजेलले भने ।

यता भवन निर्माण गरेको एक बर्षसम्म ठेकेदार कम्पनीकै जिम्मामा हुने कन्काई नगरपालिकाका इन्जिनियर हुमागाईँले बताएका छन् । स्थानीय युवा भने निर्माणको सुरुवातमै कमजोरी भएकोले कम्तीमा ३ बर्षसम्मको कागज ठेकेदार कम्पनीलाई गराएर मात्रै भुक्तानी दिनुपर्नेमा जोड दिएका छन् । (तस्वीरः कनकाइ अनलाइनखबर)

सम्बन्धित समाचार

चर्चासँगै विवादमा रहेकाे ‘दमक भ्यू टावर’मा भ्रष्टाचार भएको स्थानीय पत्रकारले लगाए आराेप

दमक, २६ असार । झापाको दमकमा अवस्थित ‘भ्यू टावर’ मा सङ्गठित भ्रष्टाचार भएको भन्दै सरोकारवालाहरूले छानबिनको माग गरेका छन् । दमक ५ का स्थानीय तथा सञ्चारकर्मी अबिन मेयाङ्ग्वोले बुधबार संवाद डबलीमा पत्रकार सम्मेलन गरेर भ्यू...

मेचु धिमालकाे म्युजिक भिडियो ‘आदाङ्बे सेवारो’ सार्वजनिक

दमक, २४ असार । लिम्बू भाषामा तयार पारिएको नयाँ म्युजिक भिडियो ‘आदाङ्बे सेवारो’ आइतबार सार्वजनिक गरिएको छ। गायिका तथा निर्देशक मेचु धिमालको युट्युब च्यानलमार्फत भिडियो सार्वजनिक गरिएको हो । गीतमा असित थेगिम र यासेली योङहाङको...

काङसोरे पुरस्कार स्व. इमानसिङ् चेम्जोङ्लाई

ललितपुर, २१ असार । लिम्बुवान नागरिक समाज यूकेले तिन बर्षमा प्रदान गर्दै आईरहेको काङ्सोरे पुरस्कार इतिहासकार, साहित्यकार, भाषाविद् स्व इमानसिंह चेम्जोङलाई प्रदान गरेको छ । यस वर्ष स्व.चेम्जोङलाई मरणोपरान्त पुरस्कार प्रदान गरिएको हो । शनिवार...

फक्ताङलुङ सांस्कृतिक मञ्चको अध्यक्षमा मोहन मादेन निर्वाचित

ललितपुर, २१ असार । फक्ताङलुङ सांस्कृतिक मञ्चको पाँचौं राष्ट्रिय महाधिवेशन सम्पन्न भएको छ । ललितपुरस्थित किरात याक्थुङ चुम्लुङको संघीय कार्यालयमा शनिबार मोहन मादेनको अध्यक्षतामा नयाँ कार्य समिति चयन गठन भएको हो । नेपाल प्रज्ञा प्रतिष्ठानका...