प्रान्तीय सदस्यहरू बाँयाबाट क्रमशः अमृत मादेन, राम हर्क खम्बू राइ

पथरी, ३ भदौं । संघीय लिम्बुवान मञ्च, नेपालका केन्द्रीय सदस्य अमृत मादेन उपचारको लागि आज भारतको कलकता आर्मी अस्पताल प्रस्थान गरेका छन् ।

संघीय लोकतान्त्रिक राष्ट्रिय मञ्चको स्थापना काल देखि नै निरन्तर पहिचान र संघीय आन्दोलनमा सकृय ८२ बर्षीय नेता मादेन लामो समय देखि पायल्स रोगबाट ग्रसित हुनु हुन्थ्यो । उनको धरानस्थित विपि मेमोरियरले रिफर गरेसँगै त्यस तर्फ प्रस्थान गरेका हुन् ।

२०औं बर्ष भारतीय आर्मीमा जीवन विताउनु भएका मादेन नेपालमा सबै जातीहरुलाई समावेशी समानुपातिक ढंगबाट प्रतिनिधित्व हुने नयाँ संविधान निर्माण गर्दै संघीय लोकतान्त्रिक गणतन्त्र नेपालमा लिम्बुवान राज्य पाउनु पर्ने दावी गर्छन् । लिम्बुवान आन्दोलनको क्रममा बढ्दो उमेरमा पनि सक्रिय नेता मादेन केही बर्ष देखि भने अस्वस्थ्य भई घरमै आराम गरिरहेका थिए ।

वहाँको स्वास्थ्य स्थिति बुझ्न मञ्चको जिल्ला कार्य समिति बुधकार वहाँको निवास पथरी पुगेको थियो । भेटको क्रममा मञ्चको मोरङ् जिल्ला कार्य समितिले स्वास्थ्य लाभको कामना गर्दै उपचारको क्रममा भारतको यात्रा सफल रहोस् भन्ने कामना गरेको थियो । उक्त भेटघाटमा मञ्चका प्रान्तीय उपमहासचिव तथा संचार विभाग प्रमुख साथै मोरङ जिल्ला इन्चार्ज दिल कुमार लावती, मोरङ् जिल्ला अध्यक्ष दिलु लिङदेन लावती, जिल्ला सचिव बरुण लाबुङ्, नगर अध्यक्ष चन्द्र पालुङवा लगायत नेताहरुको उपस्थिति रहेको थियो ।

त्यसरी नै अर्का विरामी नेता मञ्चका प्रान्तीय सदस्य राम हर्क खम्बूलाई समेत उनको निवासमा पुगी भेटगरी जिल्ला समितिले स्वास्थ्य लाभको कामना गरेको छ । पूर्व भारतीय सैनिक खम्बू लामो समय देखि बाथ रोगबाट ग्रसित छन् ।