कियाचु लिम्बू साँस्कृतिक परिषदको पहलमा च्याब्रुङ स्तम्भ तथा संग्रहालय निर्माण अन्तिम चरणमा पुगेकाे छ । फेदाप इसेबुङ तेह्रथुमको सुन्दर पर्यटकीय क्षेत्र इसेबुङमा लिम्बुहरुको बाजा के (च्याब्रुङ) को स्तम्भ तथा साँस्कृतिक संग्रहालय निर्माण कार्यको अन्तिम चरणमा पुगेको छ ।

किरात याक्थुङ चुम्लुङ लिम्बू साँस्कृतिक परिषद इसेबुङको अगुवाइमा साविक इसिबु ३ मा निर्माण भइरहेको उक्त स्तम्भ र संग्रहालयको आगामी चासोक तङनामको अवसरमा उद्घाटन गर्ने कार्यक्रम रहेको छ । ह्यात्रुङ झरनाको आकर्षण संगै यो च्याब्रुङ स्तम्भले इसेबुङमा पर्यटकीय आकर्षणको एउटा इटा थपिएको छ ।

के अर्थात च्याब्रुङ लिम्बुहरुको मौलिक बाजा हो । यो बाजा लिम्बू संस्कृतिको शुभ कार्यहरू बिबाह, घर बसाइ, तथा विभिन्न उत्सवहरुमा नाच्दै बजाउने प्रचलन रहेको छ । इसेबुङ स्थित देश बिदेशमा रहनुभएका समाजसेवी व्यक्तित्वहरुको सहयोगमा निर्माण भइरहेको स्तम्भ र संग्रहालयको अभियान संयोजक चइनध्वज फोम्बोले संयोजन गरिरहनु भएको छ । उहाका अनुसार निर्माण कार्यको सम्पुर्ण लागत रु २० लाख सम्म रहने छ । उक्त रकम संकलन कार्य जारी रहेको फोम्बोले बताउनु भयो ।