तस्वीरः सञ्जय राईकाे फेसबुकबाट

चुलाचुली।इलामको दक्षिणमा रहेको चुलाचुली गाउँपालिकाले उदाहरणीय कार्यहरु निरन्तर गरिरहेको छ । संसार कोरोना कहरमा रोमल्लिरहेता पनि यस गाउँपालिकाका जनप्रतिनिधि रातदिन जनताको सेवामा निरन्तर खटिरहेको देखिन्छ । पछिल्लो उदाहरणको रुपमा अति विपन्न र एकल महिलालार्ई घर निर्माण गरिदिएर घर हस्तान्तरण गरेको छ ।

आज गाउँपालिका र २ नम्बर वडा कार्यालयको समन्वयमा निर्मित २ वटा घरहरु अति नै बिपन्न बर्ष ७६ को चन्द्र बहादुर दर्जीका श्रीमती मङली माया दर्जी र एकल महिला बर्ष ८७ कि लिला माया तामाङ्गलाई नयाँ घर निर्माण सम्पन्न गरी चुलाचुली गाउँपालिकाका अध्यक्ष प्रदिप चन्द्र राई र उपाध्यक्ष निर्मला दाहालले घरको चावि हस्तान्तरण गर्नुभएको छ ।

उक्त घर हस्तान्तरण कार्यक्रममा वडा नं. २ का अध्यक्ष रन बहादुर लिम्बु, वार्ड जनप्रतिनिधिहरु, कर्मचारीहरु र टोल बिकास सस्थाका प्रतिनिधिको उपस्थिति रहेका थिए । घर वडा नं. २ का अध्यक्ष रन बहादुर लिम्बुको समन्वयमा निर्माण भएको गाउँपालिका प्रमुखका सोकिय सचिव सञ्जय राईले बताएको छन् ।