भर्खर सिंगापुर लाहुरेसँग विहे गरेकी युवतीकाे रहस्यमय ढंगकाे मृत्यु
बुधबार, २४ भदौ, २०७७ दिउँसोको ०४:०४ बजे,
लिम्बुवान खबर
दमक।धरानमा तीन महिनाअघि मात्र सिंगापुर लाहुरेसँग विवाह गरेकी एक युवतीकाे रहस्यमय ढंगले मृत्यु भएको छ । मृत्यु हुने युवती धरान-११ की २२ वर्षीया साेनी हाङ्मा लिम्बू हुन् ।
गत साेमबार बिहान करिब १० बजे उनले आफ्नै कोठामा रहेकाे पंखामा सलले झुण्डिएर आत्महत्या गरेको बताइएको छ ।
प्रहरीले मंगलबार बिहान मात्र लिम्बूको शव मुचुल्का उठाएर वीपी कोइराला स्वास्थ्य विज्ञान प्रतिष्ठान लगेकाे थियाे ।
मृतक लिम्बूकाे माइतीघर तेह्रथुम हो । माइती पक्षले आफूहरु नआएसम्म शव नउठाउन भनेपछि प्रहरीले साेमबार दिनभर र रातभरि नै घटनास्थलमा सुरक्षा दिएकाे थियाे ।
‘मृतकको माइती पक्ष मात्र आइपुगेकोले प्रहरी त्यही बसेर लाश राखियो, मंगलबार माइती पक्ष आइपुगेपछि मुचुल्का उठाएर लगिएको छ,’ प्रहरी निरीक्षक हेमराज ओलीले भने ।
प्रहरी निरीक्षक ओलीका अनुसार प्रहरी पुग्दा मृतकको शव खाटमा राखिएको अवस्थामा थियो । यद्यपी, आत्महत्या हो कि हत्या हो भनेर अनुसन्धान गरिने उनले बताए ।
‘पहिला आत्महत्या हो कि हत्या हो भनेर हेर्छाै । अरु केही कुरा खुल्यो भने दुरुत्साहन मुद्दा पनि चल्छ,’ प्रहरी निरीक्षक ओलीले भने ।
उनका अनुसार साेमबार बिहान खाना खान बोलाउँदा ढोका नखुलेपछि सबै मिलेर ढोका फोडेर हेर्दा झुण्डिएको अवस्थामा देखेको परिवारले बताएका छन् । ‘प्रहरी घरमा पुग्दा भने शव खाटमा थियो,’ प्रहरी निरीक्षक ओलीले भने ।
मृतक लिम्बू
धरान- ११ का अध्यक्ष बावुलाल लामाले आत्महत्याको खबर पाएपछि आफू पुग्दा शव खाटमा सुतेको अवस्थामा भेटिएको बताए ।
माइती पक्षले आफूहरु नआई केही नगर्नू भनेकोले आज मात्र शवको सुर्चमिन मुचुल्का उठाएको अध्यक्ष लामाले जानकारी दिए ।
‘म पुग्दा लाश खाटमा राखिसकेको थियो, पंखामा सल थियो,’ उनले भने, ‘तेह्रथुमबाट मंगलबार माइती पक्ष आइपुग्याे । उहाँहरुले टर्चर दिएको कुरा पनि गर्नुभयो, के भएको हो बाँकी काम प्रहरीले हेर्नेछ ।’
सुनसरी, ७ जेठ । संयुक्त पहिचानवादी मोर्चा भोक्राहानरसिंह गाउँपालिका समिती गठन भएको छ । रहमतुलम मन्सुरीको संयोजकत्वमा २९ सदस्य समिती गठन गरिएको हो । यसैगरी सहसंयोजकमा हसबुल मिया, सदस्य सचिवमा वादिल अन्सारी, सह-सचीवमा खतिजा खातुन...
ललितपुर, ६ जेठ । मुक्कुमलुङ संरक्षण तथा केवलकार निर्माण खारेजी तत्काल नरोकिए कडा प्रतिवाद गर्ने चेतावनी दिएका छन् । केवलकार निर्माणलाई विकासको योजना भन्दै उपनिवेशीकरण, अतिक्रमण, मानवअधिकार उल्लंघन तथा जबर्जस्ती अगाडि नबढाउन ललितपुरमा आयोजित पत्रकार...
दमक, ६ जेठ । इलामको चुलाचुलीमा संयुक्त पहिचानवादी मोर्चा गठन भएको छ । मंगलबार चुलाचुलीस्थित आपझोलामा भएको एक कार्यक्रमले गंगा साउदेन लिम्बुको संयोजकत्वमा मोर्चा गठन गरिएको हो । उक्त कार्यक्रमले समितिको सहसंयोजकहरुमा विरमान तामाङ, विक्रम...
ललितपुर, ६ जेठ । प्रदेश नं. १ को कोशी नाम खारेजी आन्दोलन राजनैतिक संगठनहरुसँग संवाद गर्दै अगाडि बढाउने निर्णय भएको छ । आइतबार ललितपुरस्थित किरात याक्थुङ चुम्लुङको कार्यालयमा बसेको बैठकले पहिचानको आधारमा प्रदेशको नाममा सहमति...