काठमाडौ, १३ असोज । बहुप्रतिभाका धनी चलचित्र तथा म्युजिक भिडियो निर्देशक सागर केरुङ्ले ’जुरी अवार्ड’ जितेका छन् ।

बुधबार राष्ट्रिय नाँचघर जमलमा क्वालिटी फिल्मस प्रा.लि. द्वारा वितरित क्वालिटी इन्टरटेनमेन्ट अवार्ड २०७८ मा लिम्बु भाषाको म्युजिक भिडियो “युप्पारुङ“बाट निर्देशक केरुङ्ले जुरी अवार्ड जितेका हुन् ।

चन्द्रकला साँवाको निर्माण रहेको उक्त म्युजिक भिडियोमा अमृता लिम्बू जबेगु र आदर्श आङ्देम्बेले अभिनय गरेका छन भने सञ्जय आचार्यको छायांकन÷सम्पादन रहेको छ । प्रेम पन्धाकको शब्द/संगीतमा सुनिता सुब्बा र किरन येक्तेनको स्वर रहेको छ ।

राष्ट्रिय सभा अध्यक्ष माननीय गणेशप्रसाद तिमिल्सिनाको प्रमुख आतिथ्यतामा सम्पन्न कार्यक्रममा चलचित्र विकास बोर्डका अध्यक्ष दयाराम दाहाल, चलचित्र कलाकार समाजका अध्यक्ष रबिन्द्र खड्का, नायक धिरेन साक्य, गजित विष्ट, अभिनेत्री लक्ष्मी गिरी लगायत कलाकारहरुद्वारा वितरण गरिएको थियो ।