प्रदेशको नाम सच्याउन दलले केन्द्रिय सरकार गुहार्‍यो

 लिम्बुवान न्युज
                       

विराटनगर । कोशी प्रदेशको नामकरण सच्याउन प्रमुख राजनीतिक दलले केन्द्रिय सरकार सँग गुहार मागेको छ । समयमा नै नामकरण नसचिए कोशी प्रदेश जातीय द्वन्द्वमा फस्ने प्रबल सम्भावना रहेकोले अविलम्ब समस्या समाधान तर्फ पहल कदमी लिन कोशी प्रदेश स्तरीय प्रमुख राजनीतिक दलका शीर्ष नेताहरूले केन्द्रिय सरकार सँग गुहार मागेको हो । नेपाल सरकारको गृहमन्त्रालयले सोमबार विराटनगरमा आयोजना गरेको कोशी प्रदेश स्तरीय सुरक्षा बैठक तथा अन्तरक्रिया कार्यक्रममा राजनीतिक दलका शीर्ष नेताहरूले कोशी प्रदेशको नामकरण सच्याउन केन्द्रिय सरकार सँग गुहार मागेको हो ।

कोशी प्रदेशका मुख्यमन्त्री हिक्मतकुमार कार्की सहभागि रहेको सुरक्षा बैठक तथा अन्तरक्रिया कार्यक्रममा नेपाली कांग्रेस कोशी प्रदेशका सभापति उद्धव थापाले नामकरण नसच्याउने हो भने कोशी प्रदेशमा जातीय द्वन्द्व चरम उत्कर्षमा पुग्ने भएकोले केन्द्रिय सरकारले अविलम्ब पहलकदमी भूमिका निर्वाह गर्नु पर्ने कुरामा जोड दिए । पहिचान पक्षधर कोशी प्रदेश नामकरण विरुद्ध असन्तुष्ट छ । र उनीहरूले नामकरण नसच्याउन्जेल सम्म राजनीतिक दलका नेतालाई कोशी प्रदेशमा प्रतिबन्ध लगाउँदै आन्दोलनरत रहेकोले नामकरण सच्याउनु बाहेक अर्को विकल्प नरहेको थापाले बताए ।

कोशी प्रदेश नामकरण गर्दा गम्भिर त्रुटि भएकोले यस्ता त्रुटीलाई अब केन्द्रिय सरकारले मात्रै सच्याउन सक्ने भएकोले केन्द्रिय सरकारले अभिभावकीय भूमिका निर्वाह गर्नु पर्ने थापाले बताए । नेकपा माओवादी केन्द्रका कोशी प्रदेश सचिव गणेश उप्रेती, नेकपा एकीकृत समाजवादी कोशी प्रदेश अध्यक्ष बलदेव चौधरी, जनता समाजवादी पार्टी नेपाल कोशी प्रदेश अध्यक्ष दिपक याख्या, राष्ट्रिय स्वतन्त्र पार्टीका कोशी प्रदेश अध्यक्ष राजेश तिम्सिना र राष्ट्रिय प्रजातन्त्र पार्टीका कोशी प्रदेश सचिव भरत पोखरेलले कोशी प्रदेश नामकरण सच्याउन कार्यक्रममा सहभागि नेकपा माओवादी केन्द्रका नेता उपप्रधान तथा गृहमन्त्री नारायण काजी श्रेष्ठ समक्ष धारणा व्यक्त गरेका थिए ।

कार्यक्रममा गृह सचिव दिने भट्टराई सहित नेपाली सेना, सशक्त प्रहरी बल र नेपाल प्रहरीका उच्च पदस्थ पदाधिकारीको सहभागिता रहेको थियो । २०७९ चैत्र १७ गते तत्कालीन प्रदेश नं. १ प्रदेश सभाको बैठकले १ नं. प्रदेशलाई कोशी प्रदेशमा रूपान्तरण गरेका थिए । कोशी प्रदेशको पक्षमा मतदान गर्ने ८२ सांसदलाई पहिचान पक्षधरले नामकरण सच्याउन दवाव दिई रहेका छन् । र उनीहरूले नामकरण नसच्याए कोशी प्रदेश प्रवेशमा प्रतिबन्ध लगाउने चेतावनी दिएका छन् ।

सम्बन्धित समाचार

प्रधानमन्त्री केपी ओली सहित नवनियुक्त मन्त्रीहरुले गरे पदभार ग्रहण

दमक, ३१ असार । नवनियुक्त मन्त्रीहरूले पदभार ग्रहण गरेका छन् । शितल निवासमा राष्ट्रपति समक्ष पद तथा गोपनीयताको शपथ लिएसँगै उनीहरूले आ–आफूले पाएका मन्त्रालयको जिम्मेवारी सम्हालेका हुन् । प्रधानमन्त्री केपी शर्मा ओलीले २२ सदस्यीय मन्त्रिपरिषद्...

प्रधानमन्त्री पुष्पकमल दाहाल प्रचण्ड पदमुक्त

ललितपुर, २८ असार । प्रधानमन्त्री पुष्पकमल दाहाल प्रचण्ड पदमुक्त भएका छन् । आज (शुक्रबार) प्रतिनिधिसभाले विश्वासको मत लिने प्रस्ताव बहुमतले अस्वीकृत गरेसँगै प्रधानमन्त्री प्रचण्ड पदमुक्त भएका हुन् । नेकपा एमालेले प्रचण्डलाई दिएको समर्थन फिर्ता लिएपछि...

ब्रविमले ल्याए सिसेक्पा तङनाम (भिडियाे सहित)

दमक, २८ असार । मुन्धुमी गायक ब्रविम सेर्माले आफ्नाे आवाजमा मुन्धुम साम्लो ‘सिसेक्पा तङनाम’ सार्वजनिक गरेका छन् । गितकार नेम खापुङको शव्द तथा लय संकलनमा मुन्धुम साम्लो ‘सिसेक्पा तङनाम’ को भिडियो आफ्नै युट्युव च्यानलबाट सार्वजनिक...

यूकेमा राष्ट्रिय पहिचान परिषद गठन

ललितपुर, २७ असार । बेलाय यूकेमा बसोबास गर्दै लामो समय लिम्बुवान र पहिचानको लागि सहकार्य गर्दै आएका यूकेबासीहरुले राष्ट्रिय पहिचान परिषद प्रवास समिति यूके गठन गरेका छन् । संघीय लोकतान्त्रिक राष्ट्रिय मञ्च र मञ्चको प्रवास...