दमक, १३ असोज। झापाको दमक नगरपालिका वडा नं. १ स्थित लुङधुङ टोल विकास संस्थाको छैटौं बार्षिक साधारणसभा सम्पन्न भएको छ ।
शनिबार दमक वडा न. १ का वडासदस्य राजकर्ण राईको प्रमुखको आतिथ्यतामा संस्थाको छैटौं बार्षिक साधारणसभा टोलको कार्यालय परिसरको हलमा भएको हो । सभाले फुङमा तुम्रोकको अध्यक्षतामा तीन सदस्यीय कार्य समिति चयन गरेको छ ।
समितिको सचिवमा सन्जु कुरुम्बाङ र कोषाध्यक्षमा उर्मिला कुरुम्बाङ चयन भएका छन् ।

कार्यक्रममा टोलको समाजसेवीहरुलाई सम्मान गरेको छ । सम्मानित हुनेहरूमा क्रमशः सेसेमी सेनाल्बो, डिल्लीश्वर मुसाहाङ, एल बि राई, तिलक फागोलाई सम्मान गरेको छ भने समाज सेवी घनेन्द्र चेम्जोङलाई पनि प्रशंसा पत्र प्रदान गरेको थियो ।

टोलमा जम्मा ९९ घरघुरी रहेको सभाले अध्यक्षको बार्षिक तथा कोषाध्यक्षको आर्थिक प्रतिबेदन सर्व सम्मतबाट अनुमोदन गर्दै सभा सम्पन्न भएको छ । त्यसै गरी साधारणसभामा डिल्लीश्वर मुसाहाङको लेखक/सम्पादकमा रहेको ३१२ पृष्ठको टोलको स्मारिका येहाङनगर बिमोचन गरिएको छ ।

कार्यक्रममा १ न. वडा सदस्य प्रमुख अतिथि राजकर्ण राई, सिरिजङगा टोल विकास संस्था दमक १ अध्यक्ष तथा टोलका संस्थापक अध्यक्ष सेसेमी सेनाल्बो, टोलका पुर्व सचिव डिल्लीश्वर मुसाहाङ, पुर्व सहसचिव/कोषाध्यक्ष माइती माया पारघरी, साहित्यकार एल बि राई, लिम्बू भाषा साहित्य प्रतिष्ठान दमक प्राज्ञ अर्थ सचिव रचना लाओती, सिरिजङगा टोलका पुर्व अध्यक्ष चादनी सेर्मा, सुम्निमा टोल अध्यक्ष यमुना योगी लगायतले शुभकामना मन्तव्य राखेका थिए ।

सभा टोल विकास संस्था दमक १ येहाङनगर, झापाको छैटौं बार्षिक साधारणसभा तथा येहाङनगर स्मारिका बिमोचन, सम्मान कार्यक्रम टोल अध्यक्ष याम बहादुर राईको अध्यक्षता सम्पन्न भएको हो भने स्वागत मन्तब्य सदस्य सन्दिप तामाङले राखेका थिए भने संचालन कोषाध्यक्ष फुङमा तुम्रोकले गरेकी थिइन् ।